1988 (已結業)

之前去夜晚特登去想食，点知无book枱无得食，今次约左朋友食晏，一早book左枱，12点上到去，已经坐左几枱人，之后好快就坐满左，真系好受欢迎。环境好舒服，有种休闲嘅感觉。午市套餐包饮杯，梳打系列都包，仲有优惠。海南鸡饭配西柚茶鸡肉有好多旧，而且都好瘦，平时唔敢食鸡皮，今次忍唔住连皮都食埋，酱汁酸酸地辣辣地，好开胃。西柚茶第一次饮，有小小酸味，好大西柚味，几好饮。泰式烧猪颈肉饭配柠檬茶猪颈肉烧到好香，而且有肉汁唔干身，配上酱汁有少少辣，但食落更惹味。平均每人$72，唔需要加一，位置方便，环境亦舒服，食物份量都够。