影片
更多
2023-01-26
458 浏览
喺土瓜湾拜完年，见闲著没事，提议先到区内四处逛逛，然后再去 U PLACE「嘉乐冰厅」嘅新分店吃顿 late lunch。餐厅早于 1978 年开业，屹立荃湾超过 40 年，绝对称得上系香港嘅老字号。而土瓜湾呢间新店嘅布置亦别具特色，门前设有怀旧主题打卡位，户外露天茶座更可以让顾客与宠物共同用餐，打造宠物友善场所。餐厅采 QR Code 形式自助落单，非常方便，而且价钱贴地，全日不设加一。先嚟一客餐厅名物，超厚够吋滑蛋鲜牛治 ($33)，果然好足料，估计用咗多达 6-7 只鸡蛋，食落蛋香味劲浓郁，牛肉新鲜嫩滑，入口啖啖肉汁，令人食欲大增。大满足火腿奄列 ($35) 亦做得好有水准，Size 超巨型，比坊间嘅茶记足足大 2 倍有多，绝对系真材实料，煎蛋火候适中，入口蛋甜腿香，+$3 仲可以配多份多士👍酥炸菜肉云吞 ($23) 云吞即叫即炸，上桌时热辣辣，外皮超级香脆，菜肉比例亦啱啱好，点埋个酸甜汁食，坚好味！另外仲点咗碗菜远柱侯牛腩饭 ($52) 牛腩质量高，又腍又入味，牛筋爽滑烟韧，咬一啖已有胶质嘅感觉，充满住家风味，用嚟送饭一流。跟餐 +$9 可以配杯蛋白杏仁茶，好香滑，杏仁味
喺土瓜湾拜完年，见闲著没事，提议先到区内四处逛逛，然后再去 U PLACE「嘉乐冰厅」嘅新分店吃顿 late lunch。
餐厅早于 1978 年开业，屹立荃湾超过 40 年，绝对称得上系香港嘅老字号。
而土瓜湾呢间新店嘅布置亦别具特色，门前设有怀旧主题打卡位，户外露天茶座更可以让顾客与宠物共同用餐，打造宠物友善场所。
餐厅采 QR Code 形式自助落单，非常方便，而且价钱贴地，全日不设加一。
先嚟一客餐厅名物，超厚够吋滑蛋鲜牛治 ($33)，果然好足料，估计用咗多达 6-7 只鸡蛋，食落蛋香味劲浓郁，牛肉新鲜嫩滑，入口啖啖肉汁，令人食欲大增。
大满足火腿奄列 ($35) 亦做得好有水准，Size 超巨型，比坊间嘅茶记足足大 2 倍有多，绝对系真材实料，煎蛋火候适中，入口蛋甜腿香，+$3 仲可以配多份多士👍
酥炸菜肉云吞 ($23) 云吞即叫即炸，上桌时热辣辣，外皮超级香脆，菜肉比例亦啱啱好，点埋个酸甜汁食，坚好味！
另外仲点咗碗菜远柱侯牛腩饭 ($52) 牛腩质量高，又腍又入味，牛筋爽滑烟韧，咬一啖已有胶质嘅感觉，充满住家风味，用嚟送饭一流。
跟餐 +$9 可以配杯蛋白杏仁茶，好香滑，杏仁味重，甜度恰好。
甜品脆爆华田西多士 ($39) 亦很有惊喜，不仅外型美观，而且每件面层都铺咗炼奶同洒上了华田脆粒，入口外脆内软，配上夹层花生酱，充满港式味道，最适合相机食先打卡！
食完再叹埋杯特饮，阿华田脆脆 ($30) 冰凉舒爽，加上甘脆香口嘅华田脆米，令味道瞬间提升；龙凤柠乐 ($23) 以鲜柠、咸柠+可乐炮制，味道都几 Match。
张贴
