龍鳳呈祥火鍋雞煲

营业中

休息中

呢间人气火锅店绝对要订位，我去当日是平日，星期一，但巳经听到full booking，隔离枱都有讲几点要交枱。呢间餐厅叫得做龙凤呈祥，绝对要试下佢个鸡煲（题外话，店内真系有对金龙凤，绝对模仿八九十年代的味道，连播放的歌曲都好怀旧）佢鸡煲都有几款可以选，有凤梨火焰鸡煲、又有广岛蚝鸡煲等等，我叫左个都几特别的双鸡煲($278)，就系分别有田鸡同埋三黄鸡。同出面食的鸡煲唔同，呢到鸡煲的鸡件系好肥美的，配料亦都好丰富，所以个味道好惹味，啖啖肉。另外可以一试个牛肉拼盘（$338），有齐六款牛的部位，牛栢叶好爽脆，其他牛肉部份的花纹都几靓。另外五香肉丁饺（$78）都值得一试，食落少少香辣，口感都好特别，几好食的。成间餐厅的氛围连同埋d餐具都有八九十年代的感觉，包括装蔬菜的大杯同埋饮咸柠七（$38）的大红杯，感觉都好特别。