漁港艇仔粉 (鴨脷洲大街) (已搬遷) 新店位置

开左南港岛线都未撘过，是日放假就去鸭脷洲行下。听讲有间好出名嘅艇仔粉叫渔港艇仔粉，撘到利东站出站一出就见到，但店面写住内部装修，好彩有位热心市民告知搬左去新舖😊店门口好多人等位又好多等外卖，热闹非常，大概等左十分钟左右就有位了，难得来一次叫多啲嘢试下先😋⭐招牌艇仔河粉哈哈，唔使谂一定要试招牌粉，有鱼皮、鱼片、鱼蛋、叉烧、烧鸭、红肠同生菜，好丰富好多𩠌，汤头鲜味，河粉好滑，真系几好味噃😋⭐招牌艇仔汤饭朋友都系谂住食招牌粉，但又废事一样，就转左要汤饭，𩠌是一样的，饭感觉更大碗，朋友话好好味，连汤都饮晒😆⭐炸鱼柳烚蛋沙律见呢样都多人叫，我地都唔执输叫番份先，炸鱼柳即炸的，又香又脆又大块，沙律系杂果沙律，甜甜地几好味，烚蛋就无咩特别啦。⭐粒粒西多士鸡翼薯角仲有叫左西多士，附上一碟花生酱同炼奶🤤多酱正呀！西多、鸡翼同薯角同样系即炸的，香喷喷～⭐冻柠茶 & 热利宾纳招牌粉饮品要加钱，但另外两个常餐就有饮品送，咁样夹埋叫感觉抵左🤣热利宾纳好大杯又冲得浓，冻柠茶有四片柠檬仲要厚切，柠味十足，正！一点黎食咁多人等位唔出奇，点知后来三点几四点经过都仲系企满人，呢档渔港艇仔粉真系好受欢迎呀😆