阿木台灣麵 (廣華街) (已結業)

上次见太多人排队，食唔到呢间台湾野，今次得闲，就早少少黎，趁刚刚开舖黎食午餐。当然就要试下红烧牛肉面（角切，$58，配饮品）。先上四季春青茶（跟餐，热，无糖），正正常常。红烧牛肉面一上就知点解会出名，牛肉面价钱唔贵，但份量十足，里面至少有五六旧厚切牛肉，非常抵食。肉质软腍，半筋半肉，调味都算唔错。有少少酸菜同葱，食落开胃。至于面都算烟韧弹牙，汤底都算浓郁，但我都惊讶呢个红烧汤底竟然一D都唔辣。食落真系算抵食好味，但又未去到值得排一个钟队食，大家可以自己衡量下。