金寶 (已搬遷) 新店位置

星期六的晚上,到了这间小店食晚饭,加埋我在内总共四人,都要等了十五分钟先有位呢,生意好像不错!我地点了半只海南鸡,一碟咖哩牛腩饭,一碗生牛肉河,仲有越式拚盆同埋酱爆虾丸!酱爆虾丸之前喺九龙城同店已经吃过,嚟到旺角分店再食,因为实在好好食,爆出嚟既虾膏好似无九龙城咁多,但系味道一样咁正,唔知佢入面𠮶d系咩野虾既膏?海南鸡味道ok,肉质滑,最好味系个酱汁,酸酸地好开胃,另外再叫左两碗油饭食,一碗要十蚊,但系我觉得贵几蚊好过叫白饭,因为个油饭味道好好多!咖哩牛腩饭既咖哩汁比较稀,牛腩就煮得好淋,用上炸薯角做配菜,味道中上!生牛肉河个汤味道好浓,落既配料应该唔少!如果大家去食记住唔好只系食牛肉同粉,汤先系主角呢!越式拚盆有粉卷,虾手卷,扎肉手卷,春卷,仲有一兜肉碎,味道以粉卷比较好,虾手卷,扎肉手卷都比较难接受,因为入面有好多香叶,我就唔系太钟意,而肉碎似乎系用嚟送饭,因为比较咸,不过味道唔错!四个人食左三百蚊,一人唔使八十,都几够食,味道都唔错,如果有多d选择我谂都会再嚟食过呢!