麻布茶房 (已結業)

星期五晚，预咗要等位，呢间都唔例外。见到有四个女仔系度等位，其中一个同个侍应嘈交，跟住无等到就一齐走咗嘞...虽然唔知谁是谁非，不过都知好多人话呢间d service差>.<又唔使等好耐位既，大约等十分钟就有位。周围差唔多全部都系年青人，我哋叫咗三样人气食品，有麻布杂锦烧乌龙面($73.8)，其实系类似广岛烧饼，不过似系乌冬面，加上椰菜、猪肉及日本甜酱汁，几好食，隔离两台都点咗呢样。另外仲有蕃茄牛柳蛋包饭($64.8)，没有蕃茄汁味，牛柳食落似牛腩多d，虽然蛋有蛋香，但我认为唔算系人气推介食品。甜品黑芝麻慕磁芭菲($47.8)就不错，黑芝麻雪糕有香浓既芝麻味，慕磁烟烟靭靭咁，加埋红荳、香滑既云呢嗱雪糕一齐食，几好味。不过呢个芭菲收成四十几蚊，我觉得都几贵。呢度好似唔够人做嘢咁，好少有人加茶，侍应又无乜笑容，服务态度真系一般啫。好奇怪，食品价钱通常都系八毫子做尾。