正宗山西刀削麵店 (已結業)

同旧同事喺附近做完yoga,荃湾地胆嘅佢带我地去食人气刀削面。第一次食，满足同抱住个肚走！一碗面，大大碗，少少大食嘅我都食唔晒！叫咗碗原味菜肉云吞并鱼蛋刀削面，原味汤底浓郁，好似饮紧精华汤底感觉。而刀削面面质有咬劲、烟靭。有埋一堆葱花，加埋一堆生蒜过嚟更好。配菜首推鱼蛋，新鲜炸到皮系金黄色，皮薄薄，入面鱼肉唔弹但好爽。咸味够，好好味！而菜肉云吞都唔错，皮算薄，个馅料切到好细好细，感觉细腻唔粗糙。另外叫咗碟人气小食手撕鸡，啲鸡撕到大细长短一样咁滞，做到粗丝嘅效果，加上青瓜丝，配搭会好爽好清新。喜欢佢加埋麻辣料上顶，少少都够辣，够重口味。