正宗山西刀削麵店 (已結業)

今日去開荃灣，上網見到有人介紹呢間小店，就走人去試下。叫左2個小食，一個麵。豬脛肉同大腸真係一試難忘，肉咬落仲脆脆地，大腸就超軟身。落完單仲可以望住師傅現場削麵，即叫即整，配埋佢地個汁真係食唔停口，中意食麵嘅朋友一定要試呀。

差唔多一年多無來過呢間刀削麵小店了 裝修完之後都無食過了今日行經想搵下野食 又想食麻辣 就唸起刀削麵喇 之前食過都覺得呢間刀削麵既麵質好蔫蔫韌靭 本B甚為喜愛 就再親臨光顧一下裝潢完 而家門面光鮮咗 無左以前個種重口味既國產裝潢 感覺貼地啲 因為下午茶時間 所以唔使等位 行入去仲有幾張枱俾我選擇坐邊張內部環境確實整齊咗 乾淨咗 餐桌既大小以及佈局都係差唔多 無咩點變 咁即係代表繁忙時段係依舊必須搭枱 坐無虛席 身型豐滿啲嘅人 好有機會背貼背坐 無位置放袋掛褸所以本B咁耐唔來都係因為以上既因素除非碗麵好好味到令我不顧一切都要食啦坐底咗一陣 望左一陣餐牌 就有侍應行埋我身邊睇下我想點咩 唔使我叫 就過來準備 但中途有個小插曲 係有位客人落單時已經叫左杯豆漿 而三催四請杯豆漿都未到 啲侍應生亦唔係好忙 只係喺度吹吓水 食吓野 最後個客再催 催完之後佢留意住個侍應有無去攞 個侍應一企喺度唸住無野做 嗰位客人即刻 加重語氣「唔該！！我杯豆漿⋯」未講完 個侍應跑住咁走咗去斟了 服務如何就見仁見智了 因為你永遠唔會知道侍應生幾時跳線點咗個麻辣金錢肚刀削麵 賣相乾乾淨淨 唔會有咩特別或者驚喜湯頭味道不

未試過食刀削麵 上op search原來全香港唔係好多間有最近都係荃灣 就專程坐車入嚟會一會去到排左陣隊就入座 一睇餐牌 都要50蚊個麵叫左個牛腩雞奕麵同麻辣牛肚絲麵牛腩同入味夠香 麵身有口感嘅 湯底就似台灣食啲牛肉麵咁麻辣牛肚就未至於太辣 但食完成口蒜味未食過都可以一試嘅但係就坐得辛苦左啲要縮埋隻手屈住咁食

本身想去食泰菜，奈何時不予我，果間泰國菜餐廳已經爆場，於是就去附近另一間餐廳食嘢去咗食刀削麵就算只係一餸，都唔算平因為都好耐無食過豬耳，我就點咗一餸豬耳刀削麵上菜後，都見表面有唔少豬耳豬耳爽口，厚薄適中，不過唔夠滷水味刀削麵麵身有啲咬口，唔會好淋湯底唔太清楚係乜，得個鹹字，叫做俾少少味道啲麵總體嚟講，其實好一般，無乜特別應該唔會再嚟

路德圍荃灣區食店集中地，鋪租貴，無返咁上下實力都難以立足。假日晚上成條街都排滿人等候心儀既食店。今次黎呢間山西刀削麵皇。寫食評之前稍稍看到其他食評，心裡很想為它平反。有人說呢間刀削麵麵質奇怪，一邊薄一邊粗，唔夠彈牙奇怪。但人地山西刀削面全憑刀削得名。用刀削出的面，中厚邊薄。麵體本身特色就係咁。麻辣豬脷每次食多數都係點呢款，因為佢係少數有賣豬脷既餐廳，而且處理得好好，薄切但有口感，沒有內臟味道。叫多蒜真係好多蒜。唯一要彈既係，所謂麻辣根本一點麻味麻香都沒有，只有辣。湯底清，一般食法是把蒜和麻辣醬放部分落湯起提味功效。另一特色是套餐加$4就可以轉檸樂，大快朵頤！

平時見到呢間野定時定候都好多人排隊，難得見到無咩人就去試下，試完之後就唔會再試啦😅估唔到有得附送小強一隻。話說我叫左個牛𦟌黑木耳刀削麵，兩送麵要50蚊都幾貴，唔知係咪佢地都覺得太貴對我唔住，竟然加多隻小強俾我做送🙄即時變左個三送麵，立即嚇飽晒🤦🏻‍♂️同服務員講有小強，佢同我講：「冇事嘅！」😑坐我對面個女仔見到我碗野之後，食到三份之一就走左😂即係咁，我都知出街食飯係唔會點乾淨，但都唔洗比我體驗埋😅同埋唔明點解咁多人排隊食，d麵又硬，湯底又唔算好味，價錢唔平，如果大家有膽量可以試下😅

刀削麵套餐 ($50連豆漿)Shaved Noodles Set with Soybean Milk刀削麵係我其中一個至愛，因為佢嘅粉團好結實，咬落去好有口感，超級飽肚，而且呢間嘅湯頭好惹味，滷汁味道啱啱好，加埋滷水溫泉蛋😍，流心蛋黃好正丫❤️值得一提嘅係，呢間嘅麻辣野都唔錯，生蒜加辣椒，辣得來好香，連我唔係太食到辣嘅，都會想繼續食😋而且價錢唔貴又飽肚，堂食又冇即棄野，走塑友善👍🏻🌎係唯獨是座位窄小小，門口總係有人排隊，唔會坐得耐

荃灣賣刀削麵的店不止一間, 邊間跟邊間, 正宗與否, 均無深究, 只想食刀削麵, 邊間近就去邊間。刀削麵套餐 (雙拼) : 豬耳 + 上海水餃 + 凍豆漿 $50刀削麵本身肥嘟嘟, 甚有咬口。份量方面, 對我來說有點多, 應該要少麵才是。豬耳爽口, 味道正常。水餃大大隻, 皮雖厚, 但餡料足。湯頭味道無甚特別, 不鹹就是了, 不過葱花的香味, 增添清新感。豆漿夠凍, 有豆味。總括而言, 食物味道屬於中規中矩, 穩穩陣陣, 唔會難吃, 醫飽肚子就是了。

刀削面好味，湯底亦濃郁，但只叫了兩款小食，好失望，春卷是公仔點心牌，如35蚊6條略嚴貴左，仲好強烈雪藏味，而小龍包，可以講話d肉一d都唔好食……實的的，而豬軟骨好鞋好似"葉"左既瘦肉咁……整體黎講，係失望

經常吃西餐 間中吃山西口味也不錯～～點左個正宗刀削涼麵 豬肚味道不錯 涼面口感 軟硬適中因天氣熱熱地想食凍野 但怕涼面會硬～～始終都叫左 竟然都可以keep 到軟硬適中👍🏼

荃灣區有兩間分店，一間喺沙咀道，另一間就喺路德圍附近。裝修改革之前已經試過幾次，裝修之後餐牌整齊左、食物款式多左，而且整潔度更高。每次去路德圍間分店，經常都見到門口有人排隊。不過一般都係等15分鐘內就有位。今次叫咗麻辣豬脷刀削麵（多蒜）$50大大碗刀削麵，其實一個女仔應該會食唔曬。湯清而味濃，剛好熟的麵質，軟硬度適中。豬脷處理得非常乾淨，乍看根本都唔似係豬脷。薄片上碟，肉質爽口彈牙之餘，亦都保留到豬脷本身嘅味道。非常欣賞店家毫不客氣咁加蒜蓉，店家嘅大方亦都係我一直支持呢間鋪頭嘅原因！最後不得不提套餐加凍飲$2，加凍檸樂只是$4。大熱天時飲返杯凍檸樂，非常抵食、盡慶！😝

總算俾我搵返間好食嘅刀削面喇！真係好正！依家好多嘅舖頭都係用機切，好少真係用刀削，但係依間舖頭，可以見到師傅親手一下一下咁削啲麵出黎，係真正嘅刀削麵。講番碗麵，啲刀削麵軟硬適中、彈牙、有口感，而且好多餸，啲餸同麵係分開上，啲味可以分返開，可以試到佢地本身嘅味道，唔怕好一開始就撈埋，溝淡左啲餸嘅味。佢隻麻辣認真一流，好香，好有四川風味，鍾意食辣嘅去到一定要嗌黎試下。手機影相差，搞到張相影出黎顏色差，睇落唔吸引so sad

這是一頓很美味的北方晚餐，自從在北京旅行後，就一直沒嘗過這麼美味的北方菜。在圖片的上至下，左至右，分別是拔絲地瓜、涼拌海蜇、麻辣雞翼、哈爾濱腸(?)面，京蔥鴨卷，草原羊肉湯，每一道都很好吃。最難忘的是拔絲地瓜，間直是好食到爆！！雖然材料簡單，只是地瓜和砂糖，但廚師把地瓜煮得又香又綿，表面香脆的糖衣，因為糖衣很薄，吃下去不會太甜，亦不會蓋過地瓜本身天然的甜味。如果可以的話，真想可以有機會再去吃一次！

同朋友行完葵廣，就入左去荃灣食晚飯，呢間刀削麵之前食過味道唔錯，所以再encore,係門口等左差唔多20分鐘先入座，雞翼豬手刀削麵，豬手好食，夠入味，雞翼就一般，刀削麵好煙韌，朋友既牛腩水餃麵，另外加左個麻辣牛肚，呢個好食，牛肚入味，麻辣夠辣加埋蒜蓉，一絕。

每次來到荃灣，就想起這間山西刀削麵⋯⋯荃興徑喺荃灣地鐵站附近行落去好方便！不過店內環境較迫，一般好坐。麻辣豬扒刀削麵配豆漿$50每口麵條都來得十分煙韌，好彈牙。豬扒肉質肥美，不太油膩！配上秘製麻辣醬，蒜粒好香，好味道啊麻辣手撕雞刀削麵配豆漿＄52手撕雞肉質鮮嫩，味道佳。手撕雞條拌以麻油，青瓜絲和辣椒油，辣椒油的辣度比較高。不過，每口配上青瓜絲進食，好爽脆和新鮮，芝麻油清香。中和了辣油的辣度，入口味道甚佳。