阿元來了 (鴻圖道)

营业中

休息中

成日都好想食台湾嘢，不过呢间阿元来了距离地铁站有啲远，所以成日都唔系好想特登行过嚟食。不过因为好想食卤肉饭，所以都由观塘地铁站行咗过嚟，几乎行咗成三个字先到，嚟到仲要排咗一阵队先有得入座，可以睇得出呢间餐厅真系非常之有人气。咁我都冇乜嗌好多唔同嘅𩠌，主要嗌咗一个麻辣卤肉饭，蚝饼，同埋饮品。我最钟意呢间餐厅嘅其中一个原因就系佢嘅卤肉饭，尤其系佢嘅麻辣卤肉饭，真系非常之好食。可能系佢加咗一啲香料入去个卤肉饭入边，所以食落去非常之香口，不过对于怕辣嘅朋友来讲可能呢一个卤肉饭就会有啲偏辣，就叫返原味会比较好。而佢嘅煎蚝饼就冇乜特别，我个人觉得麻麻地。