店小二

营业中

休息中

讲到本地特色，又点少得大排档呢！大排档嘅人情味、火候镬气、亲民嘅价钱，绝对系香港人嘅平民饭堂！讲到北角嘅大排档，自然就会谂起以前嘅东宝，而店小二就由一班前东宝嘅伙记打理，除咗供应多款东宝招牌菜之外，更还原昔日嘅热闹。麻辣鹌鹑皮蛋麻辣汁嘅辣度适中，将炸过嘅鹰嘴豆同炸蒜捞埋一齐食，醒胃之余仲有份刺激感，加上香浓嘅鹌鹑皮蛋一齐嚟食，真系回味无穷！黄金鱼皮嚟到大排档，又点少得食黄金鱼皮呢！即叫即炸即食嘅黄金鱼皮，香味扑鼻，口感香脆，咸蛋味香浓，绝对系最正嘅佐酒小食。鲜菠萝咕噜肉咕噜肉同甜酸酱汁分开上？但绝对系呢个𩠌嘅重点，食之前先将咕噜肉沾一沾酱汁，令咕噜肉唔会太湿，可以保留咕噜肉嘅卜卜脆口感，肉质软腍，外脆内软，非常惹味，味道层次丰富。荷叶清酒煮澳洲青口嚟自澳洲嘅青口，用上港式嘅煮法。大厨就用上荷叶同清酒呢个组合，令青口带有荷叶同清酒嘅清香，极具层次。另外，每一粒青口都肉厚鲜甜，食落仲有啖啖嘅海水味。