新肥泉海鮮大排檔

营业中

休息中

好耐冇食大排档， 见近排新肥泉推出$288 一位嘅小炒加煲仔任食，限时90分钟，餐牌有超过100种选择，饮品都系任饮。每次每人限叫2碟，食完可以再叫。放工同同事过黎吹水挑战下。😆我地试咗几款菜式，味道方面都唔错，炒得好有镬气。每碟既份量都系例牌size, 2个女仔食几碟已经饱左，所以系..挑战失败既😛bb乳鸽外皮香脆，肉质嫩滑。豉油王新鲜鹅肠鹅肠新鲜，质地鲜嫩爽口，豉油王炒好入味。啫啫芥兰煲一上枱听到喳喳声，香气扑鼻，真系好吸引。芥兰翠绿爽脆，蒜蓉香味好浓郁。肉碎带有微辣，好惹味。芥末牛柳粒牛粒腍身，唔会过肥，芥末酱味道岩岩好， 唔太辣，突显牛粒味道。