影片
更多
2024-07-10
5866 浏览
短时间内帮衬咗两次嘅餐厅，最近做紧独角兽主题，装修好靓充满少女心，大量嘅干花布置，加埋餐厅每张台都摆咗大大小小嘅Bear Bear熊，就算系男士见到都回复一点童真🥰餐厅系pet friendly, 好多人带猫猫同狗狗嚟，近门口有啲落地窗口位好chill, 好啱一边食嘢一边同宠物影相，好多小朋友一嚟就要坐果啲位😅汉堡扒全日早餐 $148份量非常之丰富足料，有丹麦多士，牛油果，烟肉，杂菌，烟三文鱼，太阳蛋，汉堡扒，沙律菜等，两个女仔share都够食，多士外脆内软，点佢配嘅蜜糖好好味，个汉堡扒本身比较生，同侍应反映，佢哋都好乐意更换，再上台嘅汉堡扒煎得几香口，配埋牛肉蕃茄酱更加惹味。粉红吞拿鱼猫耳朵粉 $128成碟粉红色上台，卖相好靓😍配咗杂菌底，吞拿鱼煎咗外层再切开，但肉质偏干，可能有少少overcooked，猫耳朵粉 烟韧有咬口，索埋个汁好creamy，味道唔错。芝士鸡翼 $52一份有三只，中间部分已去骨，净系鸡翼尖𠮶部分先有骨，鸡皮非常香口脆皮，芝士溶入鸡翼，咬落去好juicy爆汁😍甜蜜芋泥独角兽梳乎厘 $158既然佢最近主题系独角兽，就试吓依个梳乎厘，落单时侍应有提过材料问题整唔到m
短时间内帮衬咗两次嘅餐厅，最近做紧独角兽主题，装修好靓充满少女心，大量嘅干花布置，加埋餐厅每张台都摆咗大大小小嘅Bear Bear熊，就算系男士见到都回复一点童真🥰餐厅系pet friendly, 好多人带猫猫同狗狗嚟，近门口有啲落地窗口位好chill, 好啱一边食嘢一边同宠物影相，好多小朋友一嚟就要坐果啲位😅
汉堡扒全日早餐 $148
份量非常之丰富足料，有丹麦多士，牛油果，烟肉，杂菌，烟三文鱼，太阳蛋，汉堡扒，沙律菜等，两个女仔share都够食，多士外脆内软，点佢配嘅蜜糖好好味，个汉堡扒本身比较生，同侍应反映，佢哋都好乐意更换，再上台嘅汉堡扒煎得几香口，配埋牛肉蕃茄酱更加惹味。
粉红吞拿鱼猫耳朵粉 $128
成碟粉红色上台，卖相好靓😍配咗杂菌底，吞拿鱼煎咗外层再切开，但肉质偏干，可能有少少overcooked，猫耳朵粉 烟韧有咬口，索埋个汁好creamy，味道唔错。
芝士鸡翼 $52
一份有三只，中间部分已去骨，净系鸡翼尖𠮶部分先有骨，鸡皮非常香口脆皮，芝士溶入鸡翼，咬落去好juicy爆汁😍
甜蜜芋泥独角兽梳乎厘 $158
既然佢最近主题系独角兽，就试吓依个梳乎厘，落单时侍应有提过材料问题整唔到menu咁靓嘅造型，唔紧要都试吓啦，上台感觉好梦幻，有紫色嘅cream舖满三块好香蛋味嘅pancake, 配紫薯味忌廉塔，上面仲好多彩虹糖，伴碟有Q弹嘅白色糖霜mochi，同沾咗糖水嘅芋头粒，整体系合格以上嘅甜品。
Godiva朱古力酒咖啡 $68/$58
唔知点解隔左唔够一个月再帮衬会平咗十蚊😂，饮品面层有朱古力碎，咖啡粉，另外仲有一块白朱古力，建议搞匀咗先饮会香滑好多，否则只饮到酒味。
侍应生好年青，但服务好好，有问必答，对于佢哋嘅会籍问题亦乐于解答，如果再有其他主题都会想再帮衬😅
评分：最高为5分
治愈度：👩⚕️👩⚕️👩⚕️👩⚕️👩⚕️
抵食度：💉💉💉
翻兜指数：🩺🩺🩺
PHI Coffee & Pancake (MegaBox)
九龙湾宏照道38号企业广场5期MegaBox 5楼3-4及9号舖
#healingbobo #foodie #hkfoodie #foodiehk #香港 #美食 #KowloonBay #Megabox #九龙湾 #Bear #Coffee #Pancake #主题餐厅 #PHI
张贴
