Milu Thai มิลู่ไทย (百樂中心)

营业中

休息中

餐厅装横富有泰国色彩，墙壁采用涂鸦风格展现出泼水节同夜市热闹嘅情况。坐得舒服，气氛轻松。喺Milu Thai食完一顿美味嘅晚餐之后，就好似用味蕾游历咗一次泰国。🔥火山排骨（$208） - 必试招牌菜，吸引程度100分！店员见到有小朋友，佢细心地询问可否接受辣嘅程度，然后佢提议辣酱汁可以另外上，大人食嘅时候先淋上去。排骨非常腍，一咬即化，肉味浓郁。秘制青酱混合咗蒜蓉、辣椒、芫荽，十分特别，令人一试难忘。🍢泰式串烧（可选鸡、牛、猪 $98）- 我哋点咗鸡同埋牛，各3串。外面烧得焦香，入面肉质保持多汁。肉串腌得入味，泰式香料味配搭适宜。沙嗲酱有花生粒，甜甜地又好惹味。🦀青咖喱软壳蟹配蒜蓉包 （$158）- 青咖喱味香浓，带淡淡椰香，唔会太辣。软壳蟹咬落每口卜卜脆，食到蟹肉嘅鲜甜，唔油腻。蒜蓉包非常香脆，牛油味浓，沾上青咖喱汁一齐食，会食唔停口。🐓泰式海南鸡（半只 $128）+油饭 - 鸡皮金黄色薄薄一层，包住嫩滑肉厚嘅鸡肉。油饭满满一大碗，饭粒饱满软糯。直接食，原汁原味已经好好味，但系点埋泰式酱汁之后又系另一番滋味。