影片
开饭介绍
装修风格以泰国街道特色的漫画涂鸦为主，营造出休闲舒适的气氛。菜式由泰国师傅团队制作。在保留传统味道的同时不失新派摆盘的视觉享受。
继续阅读
营业时间
今日营业
12:00 - 22:30
星期一至日
12:00 - 22:30
以上资料只供参考，请与餐厅确认详情
相关文章
每間餐廳都總會有一道或者幾道招牌菜，今日去了銅鑼灣百樂中心的Milu Thai มิลู่ไทย，個人特別喜愛它們的招牌菜～火山排骨，賣相和味道都讓人驚豔😍 由出𨋢門開始，到餐廳每一幅牆壁都是漫畫塗鴉，氣氛好輕鬆，我和兩個朋友坐近窗邊的位置，可以望到街景很不錯。火山排骨$228，個火山砌得好高好澎湃，排骨份量很多，舖了大量蔥花、芫茜、辣椒，顏色配搭特別搶眼，醬汁惹味偏辣，越食越過癮！大推👍泰式蛋包炒金邊粉$118，賣相同樣精緻，但味道比火山排骨較為遜色，有3隻大蝦，每人一隻 份量剛好，炒金邊粉沒有大驚喜。蒜蓉炒雜菜$88，雜菜包括有芥蘭、椰菜、通菜、黃芽白和什菇，可揀蒜蓉/馬拉盞/飛天/清炒，揀了蒜蓉炒，比較香和惹味。炸蝦餅六件$88，香脆彈牙，沾埋醬汁就更美味。芒果糯米飯$88，必點甜品之一，今次仲要係心形擺盤 更加賞心悅目💯珍多冰$36椰青$52，味道、價格正常。整體環境氣氛和食物水準都很高，價錢合理，十分推薦！
继续阅读
再訪依舊出色！火山排骨震憾級好食好睇🌋，咖哩必點，愛辣波友請去食 一波🤘🏻！・・・・・・・・・・・・・・・・・・・・🍖 火山排骨 HK$228・味道：排骨肥瘦相間，仲有骨之間有好多骨膠原，只靠原本排骨肉味，冇乜明顯調味都已經夠好食👍🏻！醬汁酸酸辣辣好開胃，有青檸🍋、辣椒🌶️、香料🧂、芫茜🌿，中和排骨膩感，必點！・口感：超巨型🌋！3-4人食先食得晒XD，排骨軟腍一搣就甩，醬汁可以揀另上，單食或點醬食兩種味道，仲會按人頭畀埋手套，開心share啱晒！🥘 咖哩三重奏 HK$218・味道：紅黃青三色咖哩🚥！紅色偏酸辣，青口同大蝦正常發揮🦐；黃色鹹辣為主，配扇貝同炸魚柳，魚柳炸得好惹味🐠；青色係椰奶味偏種嘅咖哩，加炸軟殼蟹好邪惡XD🦀 想讚一讚啲炸嘢炸皮香脆，浸住咖哩都唔易淋！三款咖哩都係入口冇乜嘢，但個辣味會慢慢滲出嚟，惹味有層次！仲有一碗蒜香牛油麵包粒畀我點住咖哩食🍞，呢個出色，點滿咖哩嘅蒜香牛油多士真係不死級嘅美食！！！・口感：咖哩醬汁夠杰身掛汁，炸物香脆，不過炸皮薄啲更好～🥩 泰式燒牛柳 HK$98・味道：一開始見到全熟以為中伏，點知煎得好香，完全mind blown🤩！食唔晒拎返屋企叮返熱孝敬波爸XD，都依然好食，佢都被驚艷到👍🏻！冇乜脂肪，主要靠燒嚟帶起牛肉香。個酸辣醬係提鮮嘅神來一筆，正！・口感：外皮焦脆內里軟腍，有啲似豬柳嘅口感幾易咬，0筋🤌🏻！🍝 泰式蛋包炒金邊粉 HK$118・味道：炸蝦脆到連蝦殼都食得🍤，金邊粉配花生碎好香口🥜！唔係蕃茄醬底係豉油底，鹹香配辣椒碎，掂！・口感：乾爽有鑊氣🍳～🥗 柚子鮮蝦沙律 HK$118・味道：juicy清新柚子碎加爽脆鮮蝦🍐，加炸蒜碎、香蔥、生菜，甜酸鹹辣齊晒，開胃！・口感：爽脆新鮮！🧋 泰式奶茶 少甜 HK$36・味道：泰茶底香醇有餘韻，真係少甜而且唔係奶水，本波要哭了，零甜波給過😋！・口感：薄身奶茶但唔會削，唔係啲好厚身有負擔感嘅奶茶，茶奶比例不錯～🍉 西瓜沙冰 HK$48・味道：香甜天然西瓜香，解渴清暑，想像到嘅好飲🍉！・口感：起沙的清甜西瓜，正！・・・・・・・・・・・・・・・・・・・・🤰性價比：高～🤰9衝度：9衝～🤰結論：早幾年夜晚去癲拿係要排隊排到去後樓梯，隊尾係落幾層！呢個價錢係銅鑼灣食到咁高質嘅泰菜真心超值！召喚想食嘅波友們，去吧🏃♀️！・・・・・・・・・・・・・・・・・・・・
继续阅读
Sawadee khaaa! Check out Milu Thai มิลู่ไทย if you are craving authentic Thai cuisines in big portions with very good price! Highly impressive Pad Thai; meat grills; and mango sticky rice!泰國之夜首先炒碟通菜，有四個炒法（飛天/ 馬拉盞/ 蒜蓉/ 清炒），飛天係泰式落左辣椒黃豆同蒜頭，真係幾夠辣，通菜新鮮爽脆。泰式春卷皮超薄！包住粉絲木耳紅蘿蔔椰菜，點泰式甜酸醬好開胃。金邊粉真係必食，好好味，個蛋網又炒得靚，面頭仲要有三隻咕嚕炸蝦碌，非常推薦！燒烤同樣出色，份量大價錢相宜，最鐘意豬頸肉入口軟嫩，原味食已經好正；燒魷魚有圈有鬚，搭個酸辣醋汁好夾；燒牛柳用香茅醃過，配個重口味咸甜羅望子醬，點少少已經好濃郁。順便可以飲番啖乳酸梳打解渴。甜品超級無敵有誠意仲好好味，心型芒果糯米飯，用左帶花香既水仙芒（應該係），椰汁又煮得濃稠剛好，糯米飯份量俾得足，我俾十分。
继续阅读
.港人愛泰🇹🇭菜就不嬲都唔使講㗎啦但係要環境舒適，又有泰國風味又唔係間間做到依家位於銅鑼灣嘅Milu Thai唔單止起菜快嘢食賣相吸引而且碟碟味道都相當唔錯😌.🌟火焰燒雞 🔥🐔 作為店內三款特色菜之一我個人覺得係必試item店員成隻雞放在你面前加少少油再點火🔥隻雞就好似喺熊熊烈火中跳舞💃咁打卡絕對一流📸(聽到其他枱都喺度嘩嘩聲)表演完會幫我哋攞返入廚房切件唔使5分鐘隻雞就切好啦一上枱，熱辣辣香噴噴♨️♨️♨️燒過嘅雞皮非常香脆配埋嫩滑Juicy嘅雞肉超好味.🌟黃咖喱炒大頭蝦🦐雖然呢個唔係特色菜但絕對係我個人私心推介大頭蝦🦐開邊後經過煎炸爽口彈牙啖啖肉黃咖喱好濃郁加埋蛋白同椰奶🥥即刻好smooth甚至有Creamy嘅感覺😶🌫️🤓醬汁攞嚟撈飯🍚或者撈麵🍝一流仲有洋蔥三色椒🧅🌶️🫑吊味咬落啲蝦🦐唔單止有少少辣仲有好大嘅椰香味🥥超級正🤤.🌟菠蘿🍍海鮮炒飯傳統嘅造型之炒飯放喺大大個嘅菠蘿🍍裏面估唔到都幾多海鮮啲蝦🦐都幾大條，又有魷魚🦑青口加埋菠蘿🍍腰果，肉鬆同提子乾口感好豐富😘😘泰國🇹🇭旅行嘅感覺返晒嚟🥰🥰..📍銅鑼灣耀華街3號百樂中心2樓(時代廣場A出口)
继续阅读
🔹️Milu Thai มิลู่ไทย - 銅鑼灣🔹️今日去左一間又經典又有實力泰國菜餐廳，亦是openrice🍚人氣收藏榜其中之一🏆👍先來開胃前菜🍽▫️生蝦刺身(6件) $108生蝦🦐大隻又新鮮好爽口，最出色就係酸辣醬汁， 點在一起吃立刻開通味蕾🤪▫️柚子鮮蝦沙律 $98柚子份量好多，果肉多汁不會太酸。中蝦🦐份量也多， 腰果好脆。平時柚子沙律比較酸帶苦澀味，本人比較喜歡這個帶魚露和甜味重些的沙律，較易入口👍▫️火焰燒雞 $208長期人氣推介🔝也是我們一直期待想食的🤩。店員將原隻雞上枱後，好細心問我們準備好手機影相未，就開始由上面倒酒，之後點火🔥🐓🔥 熊熊火焰上升，頓時氣氛上升好興奮🤣🤣雞肉質好滑好多汁，雞皮好入味。我們見到其他枱也點這個，個個都影相好開心，這道菜真係好啱聚會👨👩👧👧▫️泰式蛋包炒金邊粉 $118視覺上和味覺上也好高分🤩，有三隻炸大蝦在頂鋪排得好靚，下面有一層蛋包，金邊粉炒得好均勻，好入味亦都唔油膩，份量還好多👍▫️泰式炒雜菜(飛天味) $88唔好睇少呢個炒雜菜🥦🥬，好喜歡佢個汁小小辣， 好惹味😋🤣▫️炸蝦餅(6件) $88炸蝦餅🦐係我至愛，去到泰國餐廳必點，酥脆金黃，餡料重蝦味，而我一定會點哂甜酸醬😝**泰式燒腩仔**(新品🆕️)店長話近排新出左泰式燒腩仔🐷。中式燒腩仔食得多，泰式第一次食。原來又幾特別呀😚皮十分脆帶乾身，肉質嫩口唔肥膩。醬汁好特別帶酸辣，提升咗燒腩仔味道的層次感👍龍眼冰 $36🍹青檸梳打 $34🍹除左以上美食，火山排骨，泰式甜酸魚和咖哩三重奏也是人氣推介👍上菜快份量多，店員也好樂意推介和解釋美食。我們六點到，不久就坐滿八九成枱，氣氛好好。好欣賞牆上的塗鴉壁畫， 好有現代氣氛🖼Milu Thai Restaurant📍銅鑼灣店：耀華街百樂中心2樓#MiluThai #มิลู่ไทย #銅鑼灣美食#泰式燒腩仔 #生蝦刺身 #泰式蛋包炒金邊粉 #泰式炒雜菜 #炸蝦餅#ThaiRestaurant #泰國餐廳#OpenRice
继续阅读
您可能会有兴趣的...