Makuma (已結業)

一直都好想试尖沙咀人气名店ukiyo，点知朋友机缘巧合下带咗我嚟食佢哋系荔枝角嘅副线，同样都有佢哋最最最人气名物拉丝麻糬窝夫😍食甜品之前叫咗两个主食做个晚餐先，最被惊艳到嘅系日式咖喱吉列鸡胸，鸡胸好嫩滑，外层超级酥脆，一啲都唔油腻，系我食过最好食嘅吉列！另外一份叫咗灸烧慢煮日式叉烧乌冬，叉烧肥瘦相间好高质，稻庭乌冬配温泉蛋捞匀嚟食已经好好味，佢仲配埋冷面汁，可以好似沾面咁样食，清爽解腻😛最后甜品当然唔少得主角抹茶窝夫！窝夫上面盖上一层软绵绵有Q弹弹的被，口感似系手打麻糬。隔离仲配咗好香浓嘅茶味奶盖，仲有红豆同埋脆饼等等，全部配搭埋一齐有几重口感系口腔里面爆发🤩下次肚饿啲，就要试吓佢嘅二人餐😍