金田家

营业中

休息中

去到铜锣湾登龙街， 见咁啱裤袋袋住张优惠券未用，就入咗呢间人气拉面，金田家。 不过最好笑嘅系最后竟然用唔到，店员话我𠮶张卡太旧，唔可以再帮我吸印，但我睇匀晒都唔见张卡有到期日，不过冇办法，呢啲不嬲都系舖头大晒，有最终决定权，佢话冇得用都冇办法。环境：位于登龙街中央，金田家舖位唔算好大，但都算坐得几舒服， 坐满我估容纳到二三十人左右。食物：激辛拉面：睇相都见到，得四片好薄嘅猪肉，食落仲要冇乜口感，感觉一般。汤底方面，虽然话系激辛，但系食落我都觉得唔算好辣，感觉亦冇乜层次。 拉面方便有硬度可以选择， 我就选择咗硬，但系食啰我觉得似系食紧面团，唔够爽口同弹牙。整体唔算好难食， 但系绝对冇食评上面讲到咁好食同咁吸引， 我个人认为都系名过于实。