極尚大喜屋 (鱷魚恤中心)

营业中

休息中

约咗朋友放假来观塘啲工厂大厦去玩下室内射箭，顺便就book埋呢间位于鳄鱼恤中心嘅极尚大喜屋。呢排都冇机会去日本，放假食下日本嘢，就当自己好似返咗乡下咁。星期一至五午市嘅放题价钱系成人$218 ，小童$158。而其他日子成人都只系贵多$10。仲要俾你食足三个钟。饮品劲多选择。同朋友嘅食量都唔系太大，就采取左先食鱼生嘅策略。呢间放题嘅鱼生刺身真系有超多选择。嗌咗三文鱼，象拔蚌，油甘鱼，甜虾，赤虾。真系嗌到多到唔好意思。用料新鲜就一定系啦，来嘅速度亦都真系超快。大食嘅朋友就有福了。之后就叫咗啲卷物。有芝士软壳蟹卷。软壳蟹炸得好松脆，配埋个芝士，真系绝配。仲有嗌咗花之恋，唔会好似其他餐厅咁劲多沙律酱。至于熟食方面，嗌咗个芝麻鸡翼同羊扒，调味非常出色，又炸得松脆。超级好食。最咪留返个肚食甜品。甜品又系有超多嘅选择有好多唔同自家制嘅甜品杯，又有现成嘅雪糕同雪条。真系花多眼乱。最后只系食咗个现成嘅雪糕作结。