影片
更多
2018-10-21
398 浏览
食过咁多间放题, 呢间系唯一一间由开店至今水准同人气都一样keep得住掂! 今个月gathering, 我地一致决定拣左呢间食放题, 去过既人都知最好都系预先book位, walk in有机会未必顺利入座, even book左位, 都要预早到餐厅门外排队等待准时入座。讲真, 每次经过呢间放题, 总排著长长既人龙, 确实系人气之店!餐厅座位唔算阔落, 但胜在食物款式多, 而且质素好搭够~食放题第一ROUND绝对要点一大盘刺身满足下视觉同味觉!每款刺身都非常新鲜, 而且是厚切! 三文鱼爽, 带鱼油香, 间中仲会搭几件三文鱼腩松叶蟹鲜甜, 不是浸过盐水迫出鲜味果种象拔蚌很爽口, 不带半点腥 寿司款式亦不少, 寿司size比一般寿司店既细, 可以食多几款都唔怕快饱海胆军舰: 海胆鲜甜, 近乎入口即溶, 一d腥味都冇芝士扇贝: 扇贝唔会焗到干, 连同沙律酱一齐焗, 味道较浓咖哩炒蟹: 平时系街市买蟹都至少百几蚊只, 呢度竟然有任食!!! 咖哩带微辣, 而且充满蛋香味, 虽然不是每只蟹既肉质都系超实肉, 只是林林地 (不是水汪汪果种) 个汁正到如果唔系放题, 我一定会叫个饭黎捞汁食!珊湖蚌:
今个月gathering, 我地一致决定拣左呢间食放题, 去过既人都知最好都系预先book位, walk in有机会未必顺利入座, even book左位, 都要预早到餐厅门外排队等待准时入座。讲真, 每次经过呢间放题, 总排著长长既人龙, 确实系人气之店!
餐厅座位唔算阔落, 但胜在食物款式多, 而且质素好搭够~
食放题第一ROUND绝对要点一大盘刺身满足下视觉同味觉!
每款刺身都非常新鲜, 而且是厚切! 三文鱼爽, 带鱼油香, 间中仲会搭几件三文鱼腩
松叶蟹鲜甜, 不是浸过盐水迫出鲜味果种
象拔蚌很爽口, 不带半点腥
寿司款式亦不少, 寿司size比一般寿司店既细, 可以食多几款都唔怕快饱
海胆军舰: 海胆鲜甜, 近乎入口即溶, 一d腥味都冇
芝士扇贝: 扇贝唔会焗到干, 连同沙律酱一齐焗, 味道较浓
咖哩炒蟹: 平时系街市买蟹都至少百几蚊只, 呢度竟然有任食!!! 咖哩带微辣, 而且充满蛋香味, 虽然不是每只蟹既肉质都系超实肉, 只是林林地 (不是水汪汪果种) 个汁正到如果唔系放题, 我一定会叫个饭黎捞汁食!
珊湖蚌: 炒得几有获气, 珊湖蚌几爽, 香菇有些少香油香
榴梿炸蛋: 表面炸得干身脆口, 入面有明显既流心榴梿, 杰杰的, 甜甜的, 榴梿香味阵阵散发著, 正啊!
粟米粒: 捞左牛油, 甜甜地
天妇罗虾: 同样表面炸得干身松脆, 只虾几鲜甜
串烧虾: 虾肉爽口, 唔会痴壳, 表面加左D盐吊味
串烧牛舌: 唔会太干, 加左少少黑椒黎吊味, 牛舌略带咬口, 唔会太韧
烧菠萝: 稍为有D酸
野饮方面除左罐装汽水、支装果汁/乌龙茶任饮外, 仲有好几款餐厅自己调制既饮品, 例如Fruit punch....
甜品款式都有好几款, 但去到尾声虽然有唔少款式都因为饱到食唔落, 所以去到甜品都只能order少少
牛乳布甸: 超级香滑, 近乎入口即溶, 奶味香浓, 少少甜, 正!
马卡龙外皮脆, 入面甜甜地...都几好食!
最后每人仲可以自选一款雪糕做完美句号....
上台够快, 食物质素keep到水准, 服务更是招呼周到, 绝对系值得黎多几次!!!
张贴
