大丈夫食堂 (已搬遷) 新店位置

因为上兴趣班所以嚟荔枝角呢边，咁啱前几日喺社交平台见到呢间大丈夫食堂嘅吉列猪扒，睇落卖相唔错，所以嚟试下。星期日一点半嚟到，拎筹后大概等咗半个钟。除咗有定食，仲有丼物、海鲜丼同寿司选择。我哋点咗吉列猪扒定食同天妇罗丼。吉列猪扒定食包括吉列猪扒、椰菜丝沙律、茶碗蒸、味噌汤同白饭，其中沙律同白饭系可以任添。吉列猪扒表面炸得干爽，口感非常酥脆。猪扒比较厚身，经高温油炸后，内里仍保持肉嫩而带点肉汁。水准拍得住某间吉列猪扒连锁店天妇罗丼定食同样有茶碗蒸同味噌汤，沙律系杂菜沙律。天妇罗丼好丰富，有一整条穴子、两只虾、南瓜、茄子、冬菇同半熟蛋。天妇罗炸得干身酥脆，唔会过份油腻淋面嘅天妇罗酱汁带甜，唔会太重口味，好适合送饭食。穴子嫩滑有鲜味，虽然有少少细骨，但可以接受。天妇罗蛋嘅流心蛋黄用嚟捞饭一流跟餐嘅茶碗蒸材料有冬菇、蟹柳同枝豆。蛋蒸得非常滑溜，淡淡日本高汤味总括嚟讲吉列猪扒同天妇罗丼都好好味，份量多食得好满足而且价钱好抵，难怪咁受欢迎要排队等位，想食嘅话记住预时间等位喇！