大飯糖甜品小食屋 (已搬遷) 新店位置

今晚，同女友系沙田食完饭揸车返去元朗屋企啦，女友话口淡想食糖水，咁我就问下佢意见啦，佢就建议我去洪水桥食糖水，佢话出面又泊到车又好食wor,咁就去试下啦！去到洪水桥大街，泊左车后，冷清嘅大街转入去竟然有另一番景象，就系好多人系度等紧位，有d系一家大细，有d系十几个后生仔系度等大枱，正当想放弃之际多口过去问有无二人枱，竟然有张单丁二人枱，重要即刻入，咁就当然怀著胜利嘅姿态入去食啦!睇完个餐牌都真系好多花款，有绵绵冰，爷皇为主嘅甜心爷爷，有中式甜品，布甸，心太软，有左配右搭，款式多到我睇到眼花，我女友就选择左个心太软再加个扭纹雪糕，而我就选择左个精选甜品嘅灰姑娘啦！落左单无耐就上菜啦，首先就系灰姑娘，灰姑娘里面有曲奇雪糕，小丸子，西米露同埋芝麻糊，小丸子再加西米露原来口感都非常特别，有时候食到小丸子就好有咬口，食到西米露就较为林d，沟埋一齐就好特别，系口里面一大一细咁样，而曲奇味雪糕都好标准，好有味，跟住到芝麻糊果part啦，我稍为觉得芝麻糊份量系少左d，沟埋d西米露之后俾d椰汁沟淡晒，如果你只系食芝麻糊其实都好香口呀！唔错!跟住到心太软啦，卖相就绝对无问题，而食落去都好浓朱古力味，个皮都