利星火鍋海鮮小炒

营业中

休息中

位于深水埗、人气非常旺盛的港式小菜馆，一枱又一枱的客人嚟呢度聚会，食海鲜、小炒、饮啤酒，热闹非常～ 是日孖宝 ($388)：📍清蒸沙巴鱼 — 目测有一斤半，蒸得刚刚好，鱼肉肉质弹牙，食得出系新鲜，最钟意有大量姜葱💚，绝对冇失望嘅空间📍飞天芥兰煲 — 当见到店员一手拎住碟菜，一手拎住个大铁煲，就知道要上演一场“啫啫煲”，𠮶种镬气完全将虾酱嘅味道带咗出嚟，除咗芥兰，仲有大虾干和原只虾，简单一个菜煲都好好食📍驰名镇江骨 （$188)店方Menu写着「腩排秘方腌过，泡油再以上等镇江醋、冰糖等烹煮，酱汁包在腩排的外层，酸甜而香口」，都真系嘅！个味道甜甜酸酸，下酒一流，不过略嫌肉质稍微硬了一点