勝香園

营业中

休息中

之前有次为咗帮衬胜香园而特登入上环，好可惜个次无开铺。第二次11点几左右去上环，终于有开啦！不过真系好受欢迎，当时已经有一条长龙排紧。餐厅系大牌档形式经营，自己比较少机会帮衬大牌档，所以都几期待。地方比较浅窄，搭枱都预咗，但对我而言食物质素比较重要。-蕃茄碎牛炒蛋通粉汤底呈蕃茄鲜红色，睇得出用料几足，入口鲜甜。炒蛋几有住家感觉，厚身带点弹性，平凡但显功架。碎牛都唔错，牛味唔会完全被汤底嘅蕃茄味掩盖，依然食到牛肉香。-牛油柠檬汁蜜糖脆脆口感真系好脆，不过同我想像中会外脆内软嘅口感有少少分别。包身整体系偏硬，牛油味唔算好突出，主要被柠檬同蜜糖味盖过。柠檬汁配蜜糖嘅调味的确几特别，酸酸甜甜够醒胃，值得一试。