Miss Pisces Creations

营业中

休息中

人气甜品网店双鱼小姐系尖沙咀开实体店，经过尖沙咀顺便去望下，装修以白色为主调，非常优雅，店内有少量座位，可以坐低慢慢食，入面仲可以试食蝴蝶酥、曲奇、蛋糕仔等等。今次试咗巴斯克芝士蛋糕、松饼同埋饮品。开心果巴斯克芝士蛋糕身为开心果迷即刻点咗，巴斯克芝士蛋糕口感湿润而绵密，表面嘅开心果慕丝滑溜，充满着开心果嘅香气。开心果流心麻糬牛油松饼Pistachio Mochi Buttery Scone用左意大利开心果酱制成，入口松脆，外层开心果碎带有浓郁坚果香，流心麻糬口感Q弹。香烤日本焙茶牛油松饼配焦糖朱古力Hojicha Buttery Sconew/ caramelized white chooclate每一啖都食到浓郁嘅日本焙茶味，牛油松饼质地松软，表面加咗甜甜地嘅焦糖朱古力，口感丰富。Salted dark chocolate 朱古力味浓郁，加咗盐令饮品嘅味道更加平衡和丰富，朱古力饮品入口滑顺，让人感到满足和享受。