影片
更多
2021-05-16
329 浏览
米线控最爱周围试唔同嘅米线，随住米线关注组嘅成立，成日睇post更烧到我成日想食米线。之前食过一次石篱呢间人气米线铺，今次再嚟到食水准依然。不过估唔到系本身个铺面行入啲原来仲有另一堂食位置，唔会焗促冷气充足，让行咗一段路过嚟嘅我地可以抖一抖。皇牌米线有齐佢地热门嘅𩠌，分别系鸡丝、螺旋藻、腩肉。啲𩠌铺满成个碗，完全见唔到米线嘅纵影啊！每个𩠌嘅份量都好多，小鸟胃就要睇住嚟嗌啦！鸡丝简直用澎湃嚟形容，每一啖米线都会夹到鸡丝一齐食。螺旋藻系类似昆布嘅味道同质感，营养价值高！有时好怕腩肉会好韧同柴，但呢度嘅又唔会太柴，带少少辣。今次嗌咗肉碎辣，算系刚刚好，汤底热嘅时候食会觉得稍辣，但食食下汤底冻咗就觉得无乜野。整体嚟讲皇牌米线系抵食嘅，𩠌量都多，当日好饿嘅状态都食唔晒呢！但始终地理位置都比较偏僻，所以唔会可以常来喔！顺带一提，因为佢地嘅𩠌大多都系冻摆上汤，所以汤底食食下会冻咗，对住赶时间嘅我地都几方便，但如果有人钟意热汤就可能有concern啦！
不过估唔到系本身个铺面行入啲原来仲有另一堂食位置，唔会焗促冷气充足，让行咗一段路过嚟嘅我地可以抖一抖。
皇牌米线有齐佢地热门嘅𩠌，分别系鸡丝、螺旋藻、腩肉。
啲𩠌铺满成个碗，完全见唔到米线嘅纵影啊！每个𩠌嘅份量都好多，小鸟胃就要睇住嚟嗌啦！鸡丝简直用澎湃嚟形容，每一啖米线都会夹到鸡丝一齐食。
螺旋藻系类似昆布嘅味道同质感，营养价值高！
有时好怕腩肉会好韧同柴，但呢度嘅又唔会太柴，带少少辣。今次嗌咗肉碎辣，算系刚刚好，汤底热嘅时候食会觉得稍辣，但食食下汤底冻咗就觉得无乜野。整体嚟讲皇牌米线系抵食嘅，𩠌量都多，当日好饿嘅状态都食唔晒呢！但始终地理位置都比较偏僻，所以唔会可以常来喔！
顺带一提，因为佢地嘅𩠌大多都系冻摆上汤，所以汤底食食下会冻咗，对住赶时间嘅我地都几方便，但如果有人钟意热汤就可能有concern啦！
张贴
