SOYmart by 豆乳狂人

营业中

休息中

踏入寒冬，最幸福嘅莫过于嚟一碗滋润嘅糖水！今次带大家嚟到 SOYmart by 豆乳狂人，一试佢哋嘅冬日限定糖水同埋人气小食，绝对系滋润之选！ ❤️姜汁麻薯芋薯糖水一打开已经闻到浓浓嘅姜汁香气，瞬间驱走寒意！糖水甜度适中，姜汁味道浓郁但唔会呛喉，饮完成个人暖笠笠！ 主角麻薯同芋薯更加系亮点！ 姜汁白玉烟韧弹牙，带有淡淡姜味； 拉丝鲜奶麻糬软糯绵密，拉丝效果一流，奶香浓郁； 三色芋薯分别系紫薯、芋头同蕃薯，每一款都香甜软糯，口感丰富！ 🧡滋润之选三色芋圆呢款糖水相对清爽，适合钟意食芋圆嘅朋友！三色芋圆分别系紫薯、芋头同地瓜，每一粒都烟烟韧韧，咬落去好有口感！糖水配上桃胶超级滋润。💛多芒小丸子芒果控必试！呢款糖水用料十足，满满嘅芒果肉香甜多汁，小丸子烟韧弹牙，仲有西米增加口感，整体味道清新，食完唔会觉得腻！ 💚牛油果吉列虾青瓜丝粢饭食完糖水，当然要试埋佢哋嘅咸点！粢饭即叫即制，热辣辣！牛油果熟成度刚好，口感creamy；吉列虾炸得香脆可口；青瓜丝清爽解腻，整体配搭非常出色！