為食龍 (已結業)

人气腐皮寿司－由铜锣湾小店搬到嚟中环SoHo楼高两层嘅大店，食物款式更多、设计更有心思，周围都有绿色植物装饰同得意嘅恐龙仔，无论食物定环境都好吸引！每件腐皮寿司都好大件又足料，腐皮嘅甜味几突出，配味道浓啲嘅刺身会更正。三文鱼好肥美，捞明太子或者拼牛油果味道都好丰富；海胆三文鱼子系我最钟意嘅配搭，不过矜贵嘅材料就由价钱反映番lu🙈蟹膏好够鲜味，少许盖过咗甜虾嘅味道。辣味三文鱼食得多，今次就试试辣味呑拿鱼－拖萝蓉口感好绵滑，加咗辣更惹味，紫菜好重麻油香，仲有啲细细粒咬落爽脆嘅酱油萝卜渍物，成个组合捞饭一流，两个share嚟食又唔会觉得好腻。除咗寿司丼物外亦有炸物小食－吉列蚝炸起好酥脆，炸粉比较厚但蚝肉鲜美，点日式蛋黄酱都唔错。