雞駅花膠雞米線專門店

营业中

休息中

呢间位于骆驼漆嘅餐厅主打鸡汤米线，长期大排长龙，人气高企！餐厅以花胶鸡为招牌米线，系观塘区想食花胶鸡嘅米线真系无乜，而且佢地嘅价钱都好合理，只系68蚊。我地叫左碗招牌米线黎食，花胶有三大块，入口都几爽口，鸡肉份量多，鸡味都几香浓，而且食落都几滑，唔会鞋口。至于汤底就系几浓郁嘅鸡汤，都几有住家味道😍唔会觉得好咸，加埋虫草花，个汤底都几养生。有时想食清啲嘅米线，唔想食麻辣咁重口味，呢个花胶汤米线都几岩食🤩🤩我地另一碗就叫左蜜糖鸡翼芝士竹轮米线，呢碗就平啲，52蚊，但一样可以叫浓鸡汤汤底，鸡翼同米线会分开上，鸡翼加左蜜糖，食落甜甜地，但系鸡翼就炸到好酥脆👍🏻另外，仲点左香草鸡翼 ，呢款加左香草酱，食落酸酸咸咸咁，都有香草嘅香味。麻药蛋就系糖心款，食到有麻油嘅味道。