泓一拉麵

营业中

休息中

煮干酱油汤底味道同香气都ok，鱼香味突出亦食到昆布味，鲜甜冇苦味，但少少偏咸，配料有颇多生洋葱，个人觉得同汤底唔夹，有啲抢味。汤面油份多，令面食落滑身啲。高加水面条质地不错，够滑身爽口，唔会煮到过淋。豚x鸡白汤上枱睇落好creamy，但食落未到好浓郁，鸡味较重，但豚味完全被盖过，唔算好特别。面条同酱油汤嘅唔同，带麦粒麦香会较出。两碗嘅配料鸡肉正正常常带烟熏味，唔算好嫩。慢煮叉烧肉质唔粗都有肉香，荀都ok冇奇怪异味，可惜只蛋太生，蛋黄太流心而且唔够入味。整体嚟讲觉得两碗都合格但未算好抵食好完美，面嘅份量不算好多，男仔食应该都要加面。个人就比较钟意煮干酱油汤。餐厅仲系试业期，见到之前不少评论都话柠檬或柚子较多余，当日去餐厅已将佢地删减，相信佢地会听更多意思再作改善。