炊豕店 (已搬遷) 新店位置

今日嚟到铜锣湾试下食炊豕店！🤪🤤以前成日系铜锣湾行街经过都见到好多人排，但无一次食到，今次就决定要去试试佢！呢间铺头系主打食猪排饭，长时间都好多人排队等食！今晚我地六点几七点去都要排一阵！佢门面有个牌写住：「我们想是食猪大的」非常可爱🤪🤪🤪系出面排队嘅时候，佢会放点单纸系门口俾食客tick定想食咩，一入去就可以即刻俾店员好快帮你take order👍🏻呢到环境好有台湾传统风格😻但里面店铺空间不大，望落得6张枱1张L形高枱，所以坐得有少少迫，但食物嘅高质程度应该引来不少嘅顾客帮衬喇😽我地叫左一个秘制猪扒肉操饭（$61)，炸猪扒食落好松脆好入味，肉燥酱汁真系同台湾食嘅好似，如果加埋葱油应该会更好味！海蜇($20)酸酸甜甜好开胃，海蜇质地咬落好爽口！正！卤水鸡翼($24)好入味，鸡翼唔系热食，系冻食，夏天食冻小食特别消暑！最后鱿鱼须($38)炸得好松脆，配埋个酸汁好开胃，完全唔觉得好热气🤤🤪最后加多一罐忌廉都系埋单$143，平均每人$70，好抵食啊！朋友仔经过铜锣湾要试下啊，佢每人有最低消费($40)，嗌一个饭share再叫埋小食两个好够食喇！👍🏻👍🏻👍🏻👍🏻👍🏻👍🏻👍🏻