榮記粉麵

营业中

休息中

今日谂住去铜锣湾食荣记车仔面，点知好多人系出面排紧队，天气又冻又大风，真系唔想排，唯有打消堂食谂头，买外卖返公司食。叫咗个大杂米粉，有猪红，猪皮，牛肚，萝卜，牛丸同鱼旦六款𩠌，好丰富。最钟意食佢地嘅猪红，好滑好好味。牛肚都好淋好入味。猪皮更加吾驶讲，吸晒d腩汁汤，点会吾好食，其实我平时唔系好食猪皮，但我都觉得佢好正。萝卜好甜又无渣，同车仔面真系好夹。牛丸同鱼旦就无太特别，不过口感都几好。可能好耐无食过，食完真系觉得佢好正，唔怪得佢任何时间都排晒长龙。