麵尊

营业中

休息中

最近去咗铜锣湾嘅「面尊」，之前每次经过都见到有人龙，上网都好多人介绍，今日终于有机会试吓，一人一碗车仔面，再叫了小食。 我叫咗猪红同五香牛腩河粉。猪红滑溜，质感不错，五香牛腩煮得入味，肉质柔软。平时食车仔面最爱食河粉，呢度嘅河粉够幼滑，吸咗麻辣汁同咖喱汁，食落去够香辣。麻辣汁嘅辣味啱啱好，唔会辣到飞起，反而带出食材本身嘅味道，同车仔面配搭最恰当。另一碗车仔面选了猪皮、鱼皮饺同咖喱牛柏叶再配上幼面，而酱汁方面选了咖喱汁同腩汁。面条煮得刚好，不会过淋、有弹性，有挂汁效果，真系好正！猪皮咬落去有种丰富嘅口感，爽口。鱼皮饺，饺子外皮薄薄嘅，至于咖喱牛柏叶，咖喱味浓得嚟又唔会太过火！另外，我仲加咗一碟生菜（配腩汁）同一碟净猪颈肉。生菜清新，搭配腩汁，系车仔面店的特色。而净猪颈肉，油香四溢，钟意佢啲猪颈肉有厚度，咬落更有口感。虽然每次经过都有人龙，但系其实都好快就会有位，而且相对其他车仔面店，它的座位都算舒适！