餃掂手工餃子雲吞專門店

营业中

休息中

平時非常鍾意食餃子，去開嘅餃子店都不外乎係一啲大型嘅連鎖店，呢排就沉迷咗喺呢間餃子專門店，由於係呢頭返工嘅關係，基本上每個星期都至少會喺度食一次午餐或者晚餐，貪佢嘅性價比好高。呢間專門店嘅位置非常闊落，同一般小店坐得好迫夾，真係差好遠。顧名思義一定要喺呢度食佢嘅餃子啦。呢個係龍鳳蒸餃，有好香嘅黑松露同白松露味，平時都比較少食呢兩個味道。另外仲叫咗牛肉煎餃，煎得非常香口，而且啲牛肉味非常濃郁。仲會送呢個湯俾你飲。食餃子都要叫一啲小食伴下，今次叫咗個雞翼。另外仲叫咗呢個粉皮，少少辣好惹味。另外仲叫咗杯豆漿同埋特飲。