捌哥‧馬拉籽 (已結業)

深水埗起家嘅捌哥原来喺大围都有分店，同总店一样好有人气星期三晚七点半未到已经坐满餐牌选择超多有啲花多眼乱，招牌菜喇沙同肉骨茶系必嗌✨肉骨茶 (三层肉)肉骨茶比较深色药材味突出，饮完成身暖晒可以免费续汤，两个人嗌一份细嘅都够饮有多款猪肉部位选择，懒得噒骨所以拣咗三层肉✨娘惹喇沙汤面有三款喇沙、虾面同白咖喱面拣，好pro好讲究👍🏻娘惹喇沙加入大量椰奶，香料味道香浓辣度适中面有得拣米粉、油面、老鼠粉、米线，就连大光面都有😆跟地道食法拣渗渗(油面米粉两沟)，油面米粉索晒汤汁精华✨马拉沙嗲串烧鸡、牛、猪肉可以自由配搭，三款都烧得香口唔会鞋沙嗲酱微辣偏甜花生味浓郁，非常惹味！✨仁当牛肉辣死加多 (转黄姜饭)辣死nasi意思系饭，同辣唔辣系无关😆不过配仁当牛肉同参巴酱的确系辣嘅仁当牛肉香料椰浆辣味浓郁，煮得软腍入味✨咖央多士食马拉菜一定嗌咖央多士当做甜品先够满足估唔到连面包都系来自马来西亚多士烘得松脆，咖央酱斑兰味浓郁椰香十足🤤✨美禄恐龙食辣嘢饮好啱饮美禄，有种解辣嘅感觉听到隔离枱都饮马拉茶，下次晏画嚟试下