影片
更多
2024-06-28
21 浏览
重房omakase前菜：两味中先吃左手边嘅白酒啫喱配蕃茄，清爽鲜甜先开一开胃。然后再食右手边嘅水云，上面摆放咗蟹肉，底下配以自家制酸汁，酸酸甜甜正好预热一下味蕾。刺身：严选夏季当造嘅北海道紫针海胆，味道相对清甜，配以鱼籽、白虾及法国鱼子酱，保留到海鲜嘅鲜味，但带黎更丰富嘅层次。特别选用四国蜜柑鲷，鱼肉带有淡淡嘅柑橘甜香，口感柔润。第一片配搭酱油及新鲜柚子皮，品尝原汁原味。第二片可额外加入芥末品尝。象拔蚌刺身洒上岩盐，口感爽滑弹牙，岩盐正好带出鲜味，可加入适量芥末品尝。𩽾𩾌鱼干混和黄萝卜放在鳕鱼干上面，再添加鱼子、银箔及可食用花瓣，睇得又食得，味道厚实中带清甜，口感柔中带脆。选用日本第一的长崎小长井华涟牡蛎，加上自家制啫喱和萝卜蓉，令生蚝本身嘅清爽口感更上一层楼，而蚝肉本身嘅甘甜和奶油香亦别具风味。新鲜嘅萤光鱿鱼配上五色芝麻，肉质弹牙有咬口，散发独特嘅甘香。另外附有矶煮鲍鱼配鲍鱼酱，亦系店舖嘅招牌菜。特别以味醂、糖、酱油、昆布等等配料煮浸，非常鲜甜。地金目鲷鱼洒上乌鱼子粉，把鱼皮烤至微脆，地金目嘅油香以乌鱼子中和，鱼皮嘅脆与鲷肉嘅嫩达至微妙嘅平衡。紫菜包住半肥瘦嘅中拖罗，另一边系非常罕有
前菜：
两味中先吃左手边嘅白酒啫喱配蕃茄，清爽鲜甜先开一开胃。然后再食右手边嘅水云，上面摆放咗蟹肉，底下配以自家制酸汁，酸酸甜甜正好预热一下味蕾。
刺身：
严选夏季当造嘅北海道紫针海胆，味道相对清甜，配以鱼籽、白虾及法国鱼子酱，保留到海鲜嘅鲜味，但带黎更丰富嘅层次。
特别选用四国蜜柑鲷，鱼肉带有淡淡嘅柑橘甜香，口感柔润。第一片配搭酱油及新鲜柚子皮，品尝原汁原味。第二片可额外加入芥末品尝。
象拔蚌刺身洒上岩盐，口感爽滑弹牙，岩盐正好带出鲜味，可加入适量芥末品尝。
𩽾𩾌鱼干混和黄萝卜放在鳕鱼干上面，再添加鱼子、银箔及可食用花瓣，睇得又食得，味道厚实中带清甜，口感柔中带脆。
选用日本第一的长崎小长井华涟牡蛎，加上自家制啫喱和萝卜蓉，令生蚝本身嘅清爽口感更上一层楼，而蚝肉本身嘅甘甜和奶油香亦别具风味。
新鲜嘅萤光鱿鱼配上五色芝麻，肉质弹牙有咬口，散发独特嘅甘香。另外附有矶煮鲍鱼配鲍鱼酱，亦系店舖嘅招牌菜。特别以味醂、糖、酱油、昆布等等配料煮浸，非常鲜甜。
地金目鲷鱼洒上乌鱼子粉，把鱼皮烤至微脆，地金目嘅油香以乌鱼子中和，鱼皮嘅脆与鲷肉嘅嫩达至微妙嘅平衡。
紫菜包住半肥瘦嘅中拖罗，另一边系非常罕有嘅部位「脑天」，再以紫苏叶平衡、少量盐调味，打造出一个脂香四溢、口感嫩滑无比、层次分明嘅独特体验。
立鳞烧嘅鱼鳞酥脆，鱼肉细滑，入口鲜味十足。匙羹上嘅分子料理系南瓜汤球，外层破裂后，汤汁涌出，鲜甜可口。
寿司：
深海池鱼经烤炙逼出油脂，再点上面豉酱，口感顺滑肥嫩。
中拖罗油脂分布平均，肉味香浓。
赤贝色泽鲜美，肉质爽厚清甜。
日本竹签鱼经烧炙皮下脂肪，带出油香，口感软腍。
北海道马粪海胆，相比紫海胆味道较为浓郁，香味充满口腔，食后有回甘。
最后有汤品及甜品收尾，为整个美食冒险之旅画上完美句号。
张贴
