Coffee Corner

营业中

休息中

大家都应该知道我哋罗家曾经有两只狗狗，佢哋真系好鬼为食不过早几年狗食品就冇咁多花款卖，而家连酒店都有推出狗狗食得嘅蛋糕，虽然佢哋生不逢时不过我都戥而家可以叹嘅狗狗开心，因为人同狗亦都可以一齐买个蛋糕庆祝真系好正。九龙酒店嘅Coffee Corner咖啡阁啱啱推出咗个百日彩虹蛋糕，呢个蛋糕有七层七个唔同嘅颜色仲系唔同嘅味道，好似可以一次过满足七个愿望咁你话几开心！而且仲有三磅同埋五磅可以拣真系好适合要嚟庆祝用。百日彩虹蛋糕个样就好靓仔究竟好唔好食呢！食落去忌廉香得嚟唔会好甜入面嘅海绵蛋糕仲好松软添，仲可以加啲唔同嘅装饰要嚟做生日蛋糕、百日宴蛋糕、甚至情人节蛋糕都好够睇头。另外仲有可以比心肝宝贝狗狗食嘅小狗迷你蛋糕，主人庆祝嘅时候狗仔都可以分享喜悦真系皆大欢喜，有兴趣嘅话去酒店嘅网上商店订啦。