妹記大排檔

营业中

休息中

人生就是不停的战斗，是九把刀的名句。但系喺开拖之前，梗系要整返碗战斗碗啦！你都可以话我系冲住呢只战斗碗而嚟呢度食饭嘅，因为之前喺网上面见到呢只碗都觉得好过瘾，咁啱巴打有聚会，就一于嚟呢间店妹记大排档朝圣啦。一场嚟到，唔系唔饮酒啊嘛？当然要喇喇临整返碗啤酒先。呢度比较特色就系有哈尔滨啤酒，我之前真系未见过。不过饮落都清清地，几好味嘅。同时，另外一个重点就梗系用战斗碗嚟装啤酒饮啦，用碗饮酒系几特别嘅。不过在场见到的战斗碗好多都有啲破损，有啲扣分，同时间饮嘅时候都要小心戒嘴。向好嘅方面谂，呢一只系一只好有历练嘅战斗碗，战斗咗好多次😂😂😂😂😂讲完无谓嘢之后，就介绍下啲𩠌菜啦，招牌菜系鬼马油炸鬼。呢个首本名菜当然系必点嘅啦，就系油炸鬼再配合墨鱼滑，做到外脆内软，真系几盏鬼。蒜香骨。炸完出嚟热辣辣，卖相亦都唔错，不过食落就有少少咸，不过都几香口，用嚟送酒一流。咸蛋蒸肉饼。呢个家常小菜都整得还好，肉饼都几入味，呢个就适合用嚟送饭喇。不过呢度嘅小菜都有个弱点，就系分量太细，如果系女仔食应该还好。男仔食就真系未必够喉喇。