影片
更多
2023-04-27
44 浏览
之前一直都好想嚟呢度食，但係次次都好多人，今日終於放早，就同朋友嚟食飯。呢度既餃子整體嚟講都幾抵食，價錢唔貴但用料十足，同朋友試咗唔同款式，每款都係爆哂料，特別係肉既份量好多，如果追求抵食既朋友可以一試。而呢個芝士粟米鮮肉餃亦好推薦，裏面肉同芝士都好多，而且芝士味道唔會濃到蓋過肉既味，夾得唔錯。我見到呢度有金沙餃，所以就拼咗兩款餃子，分別係韭菜鮮肉餃同埋香菇鮮肉餃，呢度嘅金沙好多，食落好多咸蛋碎好正，雖然佢好多鹹蛋，但係唔使驚太鹹味道適中，都適合淡口味既朋友。特別鍾意香菇鮮肉餃，菇香同肉既味道配得好好，清新又鮮味。椰子雞豬肉湯係亮點，雖然味道唔會去到高級餐廳老火湯咁濃，但味道層次分明，椰子、雞同豬既味道都試得出，絕對唔係靠味精溝出嚟既味道。加埋紫莱鮮肉餃同埋咖哩椰菜餃，味道一流。本身以為呢度既酸辣湯係有料比較濃稠嗰種，但原來係好似酸辣米線嗰種湯底，所以最後冇飲到湯，但味道都幾好，酸同辣既味道啱啱好，唔會蓋過餃子本身既味道，又令餃子既味道更加提升。而呢個酸辣湯都落幾多芫茜，鍾意芫茜味道既朋友可以試下。甜蜜蜜雞中翼好大隻，而且價錢唔貴，抵食過一般連鎖餐廳既雞翼，味道甜甜哋都幾開胃。呢度既自
呢度既餃子整體嚟講都幾抵食，價錢唔貴但用料十足，同朋友試咗唔同款式，每款都係爆哂料，特別係肉既份量好多，如果追求抵食既朋友可以一試。而呢個芝士粟米鮮肉餃亦好推薦，裏面肉同芝士都好多，而且芝士味道唔會濃到蓋過肉既味，夾得唔錯。
我見到呢度有金沙餃，所以就拼咗兩款餃子，分別係韭菜鮮肉餃同埋香菇鮮肉餃，呢度嘅金沙好多，食落好多咸蛋碎好正，雖然佢好多鹹蛋，但係唔使驚太鹹味道適中，都適合淡口味既朋友。特別鍾意香菇鮮肉餃，菇香同肉既味道配得好好，清新又鮮味。
椰子雞豬肉湯係亮點，雖然味道唔會去到高級餐廳老火湯咁濃，但味道層次分明，椰子、雞同豬既味道都試得出，絕對唔係靠味精溝出嚟既味道。加埋紫莱鮮肉餃同埋咖哩椰菜餃，味道一流。
本身以為呢度既酸辣湯係有料比較濃稠嗰種，但原來係好似酸辣米線嗰種湯底，所以最後冇飲到湯，但味道都幾好，酸同辣既味道啱啱好，唔會蓋過餃子本身既味道，又令餃子既味道更加提升。而呢個酸辣湯都落幾多芫茜，鍾意芫茜味道既朋友可以試下。
甜蜜蜜雞中翼好大隻，而且價錢唔貴，抵食過一般連鎖餐廳既雞翼，味道甜甜哋都幾開胃。
呢度既自家製飲品都幾多款式，而且價錢相宜，質素亦唔錯，飲呢個清熱潤喉羅漢果甘草茶同埋青檸蜜味道都濃清新，配埋餃子食都好啱。
张贴
