豐信餃子店

营业中

休息中

.#foodie #hk #hkfoodie#HTB美食推介【太子脹卜卜餃子🥟｜邪惡金沙煎餃配小食】🐨金沙芝士粟米鮮肉煎餃 $55+17推薦度：⭐️⭐️⭐️⭐⭐️ 基本上成個OpenRice都係介紹呢一款餃子，又點可以唔親身試吓呢？餃子皮薄身，外面煎到好脆唔會硬，芝士、粟米、鮮肉比例調配得啱啱好👍🏻芝士咬落未有拉絲咁誇，但味道非常之濃郁，每啖都會食到粟米，甜甜地可以去除到芝士嘅油膩感！！最緊要就係加咗邪惡嘅金沙，滿滿嘅鹹蛋黃鋪喺面，賣相已經一流，食落好香鹹蛋黃嘅鹹香味，令到餃子層次更豐富分明🤤.🐨薺菜馬蹄鮮肉湯餃 $55推薦度：⭐️⭐️⭐️⭐湯底餐廳選用咗椰子海帶鮮雞豬骨湯，飲落好清甜，飲完都唔會口乾，應該冇乜味精～ 湯餃份量感覺更大粒，粒粒都有半隻手掌咁上下😨薺菜處理得好好，加埋馬蹄粒就更爽口！.🐨涼拌皮蛋 $22推薦度：⭐️⭐️⭐️⭐⭐️ 小編原來叫錯咗冇嗌到糖心皮蛋，原來涼拌一樣出色❤️皮蛋份量好多，中間都有少少流心，整體偏實，但冇多餘嘅氨味～加埋酸薑微酸爽口，好開胃～.🐨香煎豆腐 $19推薦度：⭐️⭐️⭐️⭐煎到外脆，吸到少少蔥花香，最緊要保持到中間豆腐嘅嫩滑～——☼——☼——☼——☼——☼——豐信餃子店

上次食左煎餃，自此對豐信餃子都好高評價，今次特登黎太子試埋湯餃，叫左湯餃十隻（南瓜粟米鮮肉餃同荽茜雙拼），共$57。餃子味道黎講，南瓜餃真係有驚喜，南瓜內餡香甜，食落好開胃。但荽茜餃個人就唔係好鍾意呢度既調味，荽茜味係有，但唔知點解食到有啲似鯪魚既魚味。另外，個椰子湯都好清甜，飲哂都唔會口渴，雖然湯餃冇煎餃咁香口吸引，但餃子調味適中唔單調，絕對會再訪👍🏻唯一希望佢地改善既係服務，我只係去左個廁所，返到黎啲碗同單都比人收走左。

📍豐信餃子店雖然不嬲都知太子好多好好食嘅舖頭, 不過唔知點解次次都係黎返依間👉🏻👈🏻(雖然依個次次5隻手指都數得晒😹)好想試下其他啊!!!!! Next time~❣️芝士粟米鮮肉煎餃Hehe 每次黎都必叫嘅煎餃😁cheeeese lover🙋🏼‍♀️一咬落去…點解可以咁多汁嘅😭oishii✨一咬, 啲汁已經喺個底到流返出黎🫶🏻芝士溶晒落粟米同豬肉到真係又邪惡又好食👻餃子皮煎到近乎煎同炸之間, 係好靚嘅金黃色👻 oishii✨雖然我偏向煎餃多少少, 但係之前試過佢哋啲湯餃一樣咁好食😋仲有椰子海帶湯🥥❣️香菇鮮肉餃(其實原本諗住10隻都係芝士餃, 不過試下其他都唔錯✨認真真係好香菇味!!!! 好似講咗句廢話, 不過真係好重菇嘅味道👅雖然記憶點冇芝士餃咁重, 都係一個超級唔錯嘅選擇✨ 💰54 (10隻雙拼)#豐信餃子店 #太子美食 #太子餃子店 #芝士粟米豬肉餃 #香菇鮮肉餃

見門口咁多人 以為啲嘢好驚艷 啲煎餃唔講以為油浸餃子 啲皮濕到淋 成口油 湯餃好似食空氣咁又鹹 食到好口乾 職員又十問九唔應 好似欠左佢咁 咁都值得排隊… 諗唔明白點解咁多正面食評

人氣豐信餃子店終於都擴張啦!!🤪上次食過舊舖覺得佢哋嘅餃子皮整得幾好!大愛湯餃🤭咁既然佢擴張就去試試啦~新店風格大轉 竟然用少女粉系design😳門口仲有餃子霓虹燈 有少少cafe feel🤣不過入到見到啲餃子就即刻港式返🤣🤣👍🏿椰子海帶鮮雞豬骨濃湯 史努比上次食嘅時候都冇留意佢哋個湯底🤣同expected嘅味有少少唔同史努比未睇名之前飲覺得有粟米嘅清甜 味道濃而唔油膩之後發現佢個名冇粟米😂😂初頭唔系好覺系椰子🤔不過後尾再飲又好似有少少椰子味🤣🤣Anywaysss唔錯嘅~但略鹹咗啲味道: 7.5/10.雙拼+$2 貪心嘅史努比揀咗紫菜拼咖喱椰菜!另一份就嗌咗香菇拼薺菜馬蹄~👍🏿紫菜鮮肉湯餃(10隻) $52紫菜餃系史努比喺呢間舖最鍾意嘅item!今次梗系要返兜啦🤪餃子皮厚薄適中 帶啲煙韌口感不過唔知系咪心理作用 之前食佢更加煙韌有咬口覺得今次冇上次咁煙韌 感覺冇咁好食🤔但餡料都keep到好飽滿!肉質比較實淨 肉味幾香~肥瘦比例適中 夠juicy同時紫菜味亦好香好突出都算達到史努比滿意嘅水準~只系可能對佢期望高咗 變相冇咁驚喜味道: 8/10性價比: 8.5/10👍🏿咖喱椰菜鮮肉湯餃(1

涼拌海蜇 ($22)海蜇夠爽脆 本身調味較淡 點埋拼盤嘅秘汁真係一流招牌秘汁拼盤 ($47)呢款真係必點推薦 每款都有兩件 啱哂一齊開心些牙 我最鍾意佢地嘅雞腎炆到超腍 香煎豆腐 ($19)豆腐煎到兩面脆脆 再加上少少椒鹽 絕對係會食上癮芝士粟米鮮肉餃+南瓜粟米鮮肉餃 煎餃7隻 ($49)呢度煎餃可以加邪惡嘅金沙 不過我地怕太heavy所以冇試 煎餃即叫即煎 外層脆卜卜 芝士粟米餃好惹味 而南瓜餃食落香甜到似食緊甜品紫菜鮮肉餃+雲耳椰菜鮮肉餃湯餃7隻 ($44)湯餃係用椰子海帶鮮雞豬骨濃湯 飲落都幾足料 幾重椰子味 有住家feel 紫菜餃好香 雲耳椰菜餃勁有口感 兩款我都鍾意

Encore系列～ 想食餃子，一排無嚟原來開咗新鋪，唔駛排咁耐～ 湯餃煎餃之外仲有勁邪惡嘅金沙煎餃餃子大大隻勁飽滿，多餡～ 款式都多湯餃：椰菜鮮肉餃椰子海帶鮮雞豬骨濃湯做base，鮮甜椰菜爽口～ 一啖湯一啖餃～ 大滿足猶豫咗陣都係放棄淨煎餃轉投邪惡金沙餃嘅懷抱😂邪惡金沙餃：芝士粟米鮮肉餃 金沙 x 芝士超邪惡～ 包滿晒咸蛋黃，外邊香口又咸咸香香 入邊滿滿芝士，輕易完成小食選擇多香煎豆腐～ 外脆內軟招牌秘汁拼盤～ 有雞腎雞翼牛𦟌，滷水醬汁甜甜地，全部都非常入味

由於本人響附近做嘢周不時都會叫佢啲餃子嚟食吓其實都OK嘅。夠大隻湯底都唔錯。今日口痕叫咗個酸辣湯底完全中伏，佢只不過係將佢原本個湯加一大堆辣油落去，辣油嘅程度多到好似油浸咁所以個酸辣湯真係唔知係咩酸辣湯。由於辣油太多，我完全食唔到啲餃子係乜嘢味，然後連個湯都冇得飲，你冇理由飲油㗎，吳剛咩？

第一次喺openrice寫食評，就係想負評呢間豐信餃子！之前食過舊鋪幾次都好正常，今日12點幾打電話外賣自取雙拼湯餃，紫菜加咖哩椰菜，一共$55。紫菜餃非常非常咸，咸到好似食緊未浸水嘅梅菜咁，咖哩椰菜餃都咸，無咁誇張，但兩樣都咸到食唔出有咩餡！轉左新鋪反而仲差左，唔明點解仲咁多人排隊，連最基本嘅調味都可以咁差，出名有咩用，間鋪執得靚有咩用，好多人排隊有咩用，只能說附近唔出名嘅餃子鋪都好食過佢。另外接電話嗰位店員態度都有d差，講野無尾音，聽到好唔舒服，好似打電話阻住佢咁！結論係以後唔會再幫襯呢間鋪！

今日終於去咗食嘢，用apps 攞飛，等咗半小時就有位。我哋被安排在新店入座，首先發現餐具有啲污糟，想叫店員攞杯水洗下，但佢話冇水供應。講返食物，餃子個 size 真係大件，我哋兩人叫咗10隻紫椰菜餃，味道比預期甜。仲叫多咗10隻白菜餃，但啲白菜餡唔熟，有啲草青味。另外再加咗出前一丁，但啲麵唔腍，食完之後兩人飽到上心口。另外，豬骨濃湯太甜，完全唔符合預期，食完個口好甜，唔知點咁。店內有吉碗比食客自己攞，但有個店員唔小心將隻碗整跌咗落地，之後就隨手執返隻碗放返原位，當冇發生過，仲話整跌隻碗唔關佢事，正確做法應該係將隻碗拎去回收等清洗。店內不時有外賣平台發聲噪音，由於聲浪太大，好影響店內顧客，仲有，廁所門係趟門，我唔小心夾親手指，最後食完之後，啲頭髮同個身有一陣油益味。結論：名大於實，店員服務態度差，食物係抵食但味道一般，以後唔會再幫襯。今次特登寫食評，因為真係食得唔開心，完。

🍽 今日經過太子，揀咗「豐信餃子店」試吓佢哋嘅雙拼煎餃，點咗10隻餃子，有兩款口味：南瓜粟米鮮肉餃 同 芝士粟米鮮肉餃。兩款餃子都煎得外脆內嫩，真係好滿足！😋🥟 南瓜粟米鮮肉餃南瓜粟米餃嘅味道好特別，南瓜餡料帶出咗少少甜味，唔會太濃，反而係清甜得嚟又好夾粟米嘅爽脆口感，咬落去啖啖肉汁，餃皮煎得香脆，好有口感！😌 鮮肉嘅鹹香配埋南瓜嘅甜味，味道層次非常豐富，係一個好特別嘅組合，絕對值得一試。🧀 芝士粟米鮮肉餃呢個芝士餃更加邪惡！一咬開就可以見到入面嘅芝士溶化咗，香濃嘅芝士味即刻滲出嚟，同鮮肉嘅鹹香味完美融合，仲有粟米嘅爽脆增加咗口感層次。芝士嘅creamy口感同煎餃嘅脆皮形成鮮明對比，如果你鍾意芝士，呢款一定唔可以錯過！🧀🌽仲有佢新開咗個舖位，入面好新好舒服！⭐️

📍 豐信餃子店 (太子)點解每日都咁多人排隊？仲要租埋隔離鋪開分店，今次終於有機會一嚐睇吓係咪真係咁好味。是晚大約6點半到達，不用等位；餐具少污糟；餸子偏大隻；椰子海帶鮮雞豬骨濃湯冇咩椰子味，不過隻味幾家常。🥟薺菜馬蹄鮮肉湯餃 7隻 HKD45個餡幾特別，馬蹄爽脆，唔錯🥟雲耳椰菜鮮肉湯餃+ 韭菜鮮肉湯餃 10隻HKD54雲耳都幾爽口，同椰菜豬肉好夾🥟煎韭菜鮮肉餃+煎香菇鮮肉餃 10隻HKD59啲菇好有鮮味😻係個皮太厚煎完出嚟有點硬，好少覺得煎餃會食到唔想食🥲🥲🥟香煎豆腐 HKD19好彩有隔油紙，用硬豆腐整，有營之選多餃到飽到上心口….3人食 人均HKD59，普通野，勝在算抵食。

一直都好想試呢間餃子店，不過每次經過都被門外嘅人龍嚇退😂今次經過發現佢隔離開咗分店，座位多咗，等一陣就有位😆不過可能源源不絕嘅人龍令我期望太高，反而有啲失望🤔如果要排長龍就未必會再食😅唔洗排隊都可以試下🥹🏅金沙煎香菇鮮肉餃 (7隻) ($45+金沙$17)之前見介紹金沙餃好吸引🤩嚟到當然要+$17轉邪惡金沙餃🤤可惜實物冇想像中咁澎湃😅但都食得出金沙嘅蛋黃😆反而香菇鮮肉餡料飽滿扎實，淨食煎餃已經好夠😋專登加錢嘅金沙反而好似冇為味道上嘅提升😂🧀芝士粟米鮮肉餃拼韭菜鮮肉餃 (10隻) ($55+雙拼$2)湯餃整體都一般😅上枱後大部分餃子皮都穿咗😅豬骨濃湯亦唔算突出🫣芝士粟米餃嘅芝士幾好食，芝士好煙靭🧀雖然唔見粟米粒，但食得出粟米味，都幾特別😆🥩秘汁金錢展 ($40)份量比預期少，好細碟😂不過勝在牛展夠軟熟，調味唔會太咸☺️🥒涼拌手拍青瓜(細) ($18) 🌼菊花蜜 ($12) 🍋青檸蜜 ($12)

叫飛嘅concept 好有問題，睇住2人枱係咁入，1人枱等45分鐘都無嗌過，同職員反映就淨係叫你等下。好辛苦等到終於仲有1張飛到我個陣，佢飛左我個number！！！！佢飛左我個number啊！！最後要問點解先俾人西住面咁俾枱我，最後係等左1個鐘先入得。入到去即刻落單，嗌10隻煎餃等半個鐘都未上，最後食左15分鐘都無就俾人催🙂‍↔️🙂‍↔️仲要其實真係普通到無得再普通，嗌雙併但係食落2隻味都一樣，啲函又散又一pat pat 咁仲好多油。。。我浪費左人生嘅105分鐘

早排去到餃子店，見到原來Extent咗，開多咗個舖位，新舖位好靚靚，好乾淨。咁啱去到唔使等位， order咗南瓜粟米同椰菜豬肉餃，椰菜豬肉餃好爽口，南瓜粟米餃又好香口軟身，兩款餃子都有唔同，口感兩款都好好食。