影片
更多
2009-10-08
83 浏览
师傅食到唔汤唔水咁, 加上谷住度气, 真系冇瘾; 怀住一伙不是味儿的心情由老尖行落去佐敦, 谂住边行边揾野食, 顺便出身汗发泄一下! 沿路师傅又觉得冇咩吸引或者想食, 不经不觉就行到去佐敦, 黎番自己地头, 师傅更加想唔到有咩可以食? 但忽然间师傅个脑闪左呢间食店出黎, 心谂如果仲未落闸就入去食啦!去到门口当时系晚上九点半过左,可幸的是店内依然灯光火猛; 虽然见唔到黄燿明同蔡德才, 但依然系咁人山人海! 师傅唔理咁多, 即刻行入去揾个位坐底先! 讲都冇人信, 师傅喺呢区都打滚左一段颇长时间, 但由始至终都未黎过呢度食野, 点解呢? 师傅自己都不得而知, 既然机会难逢, 咁就即刻柯打野食! 师傅今次大贪d, 整个双拼啦, 就要云吞鲜牛肉面! 等左一阵云吞鲜牛肉面就登场, 师傅一如以往就系先试下个汤底, 汤底味道一般, 并不太特别; 再望下云吞得两大粒, 鲜牛肉有五至六片; 先讲下云吞, 云吞真系几鬼大粒, 而云吞皮又滑又薄, 内里嘅馅料就真系好多虾同埋冇肥猪肉, 加上虾身几爽口同几鲜, 真系不错, 如果能再多几粒就更好; 而牛肉就松身, 味道都可以, 冇咩特别; 至于个面系生面, 面身
去到门口当时系晚上九点半过左,可幸的是店内依然灯光火猛; 虽然见唔到黄燿明同蔡德才, 但依然系咁人山人海! 师傅唔理咁多, 即刻行入去揾个位坐底先! 讲都冇人信, 师傅喺呢区都打滚左一段颇长时间, 但由始至终都未黎过呢度食野, 点解呢? 师傅自己都不得而知, 既然机会难逢, 咁就即刻柯打野食! 师傅今次大贪d, 整个双拼啦, 就要云吞鲜牛肉面!
等左一阵云吞鲜牛肉面就登场, 师傅一如以往就系先试下个汤底, 汤底味道一般, 并不太特别; 再望下云吞得两大粒, 鲜牛肉有五至六片; 先讲下云吞, 云吞真系几鬼大粒, 而云吞皮又滑又薄, 内里嘅馅料就真系好多虾同埋冇肥猪肉, 加上虾身几爽口同几鲜, 真系不错, 如果能再多几粒就更好; 而牛肉就松身, 味道都可以, 冇咩特别; 至于个面系生面, 面身爽口, 口感真系一流, 加上冇碱水味, 得㖞; 师傅是次系刻意叫面而唔叫并其他, 幸好冇失望而回; 而呢度嘅辣椒油就够辣, 不过唔香! 食到咁上下, 师傅终于按奈不住, 柯打左一支可口可乐, 大啖喝下去感觉真系大快人心, 非常舒畅, 师傅亦不得不哼一句"永远系.............................."!
总括黎讲食物质素颇佳, 环境同服务就真系好一般, 但胜在抵食, 十二蚊单拼, 十六蚊双拼, 廿二蚊三拼, 加多一支汽水都系六蚊, 埋单廿二! 估唔到师傅人生第一次沾仔记就有个几好嘅回忆, 呢间食店同师傅几粒钟前嘅真系差好远, 有机会都会再黎, 笑脸当然比得过啦!
张贴
