Chullschick

营业中

休息中

第一次同朋友食，地点都几偏僻喺中环要一直搭电梯上去，味道非常之特别，有少少似中东口味，叫嘅几碟菜式都系炸嘢为主，炸得香又特别，我觉得特别之处系菜式配酱味道真系平时未食过，酸酸地好开胃，整体都非常好食。老板都好热情，唯一美中不足嘅系老板推荐嘅果汁饮品好伏，饮完成杯都唔太清楚系用乜嘢蔬果造成，酸酸甜甜，味道一般般、水汪汪，其他嘢食都好好食，特别系烤鸡，外脆内软，份量都好足够，可以选择配烤番薯🍠香甜软糯，配埋嘅蜜糖感觉好香，同烤鸡好夹！海鲜馅饼就普普通通，同平时喺出边食嘅上海馅饼差唔多，太厚皮，值得一试我觉得算系烤鸡同小食！听讲仲有另外一间秘鲁菜价钱就比呢一间贵一半，我觉得如果想试吓秘鲁菜，呢间都可以系性价比之选！