天下毛湘

营业中

休息中

平日较少到山林道揾食，老友们话想试新菜揾到依间天下毛湘湖南菜餐厅，以前在港大附近食过几次湘菜，印象十分普通，老友话食过依间后一定会返兜帮衬，仲会令我地对湘菜另眼相看，讲到咁神，我抱住半信半疑到达餐厅，结果喜出望外。朋友未到齐，先叫两个小食做前菜食住等，叫了老板推介的臭豆腐及爽鱼皮，人生第一次食依两味小食，感觉系惊为天人4只字，豆腐香脆热辣辣仲会爆汁，香味丰富具层次感。再食鱼皮，人生第一次食咁好味惹味既爽脆海鱼皮，好似猪脚根但湖南做法令味觉更丰富，真系会食上瘾。 大力推介依两味小食。之后食左一个腊肉炒椰菜花，腊肉有浓浓烟熏味仲有脆边㶶边效果，炒出黎热辣辣香气四溢。再黎就系剁椒鱼头面，辣得过瘾，鱼肉超滑仲有几只鱼泡系底，将汤汁浸入面中好好食最后试埋甜品糖饺子，似日本烧汤丸，但口感及味道超特别，捞埋糖食外脆内烟韧，几个朋友食唔停口。最后由朋友埋单，食物超班但价钱平到唔成正比。