影片
更多
2021-09-26
669 浏览
留家厨房上网见到评价唔错同埋有好多粤式功夫菜，但无论系食材、煮法同调味上都好有问题，真心我食左咁耐粤菜呢间系最难食果间留家叉烧 ($188)上网睇过条片系老板刘健威测试边间烧味铺叉烧最好食，谂著佢啲叉烧应该几好啦，咁就系订台果阵留左份试下。叉烧有八成都系瘦既，又干又鞋冇肉汁，肉味好淡，又唔松化，腌料普通，基本上成碟野得剩返果两成半肥瘦叉烧叫做唔差，不如老板你试下你厨房啲叉烧先啦留家烟熏鸡 ($208/半只)呢样系全餐饭最好果样野，只鸡嫩滑有肉味，鸡皮有几强既烟熏味同卤水味，不过停留系鸡皮，鸡肉系完全入唔到味既艇晒虾酱蒸玻璃肉 ($180)猪肉部位系冇问题既，半肥瘦食落爽口，但最大问题系肉味极淡，而虾酱又可以冇咩咸香味既，其实呢碟𩠌已经叫做技术含量唔高，简简单单用靓小小既猪肉同虾酱，都唔差得去边，但$180比咁既质素既肉同酱汁?屋企整都好食过佢啦太史戈渣 ($100)呢个𩠌系功夫菜黎，煮法复杂所以比较少中菜餐厅肯做，我未食过但上网睇过应该系外脆内软，内馅大约系高汤咁既味道。呢件野外脆系做到，但入面既馅系完全冇任何味道蒸过火既鸡蛋咁，完全就系炸左一旧冇味既野虾子袖皮($168)虾子袖皮个虾
留家叉烧 ($188)
上网睇过条片系老板刘健威测试边间烧味铺叉烧最好食，谂著佢啲叉烧应该几好啦，咁就系订台果阵留左份试下。叉烧有八成都系瘦既，又干又鞋冇肉汁，肉味好淡，又唔松化，腌料普通，基本上成碟野得剩返果两成半肥瘦叉烧叫做唔差，不如老板你试下你厨房啲叉烧先啦
15 浏览
0 赞好
0 留言
留家烟熏鸡 ($208/半只)
呢样系全餐饭最好果样野，只鸡嫩滑有肉味，鸡皮有几强既烟熏味同卤水味，不过停留系鸡皮，鸡肉系完全入唔到味既
11 浏览
0 赞好
0 留言
艇晒虾酱蒸玻璃肉 ($180)
猪肉部位系冇问题既，半肥瘦食落爽口，但最大问题系肉味极淡，而虾酱又可以冇咩咸香味既，其实呢碟𩠌已经叫做技术含量唔高，简简单单用靓小小既猪肉同虾酱，都唔差得去边，但$180比咁既质素既肉同酱汁?屋企整都好食过佢啦
15 浏览
0 赞好
0 留言
太史戈渣 ($100)
呢个𩠌系功夫菜黎，煮法复杂所以比较少中菜餐厅肯做，我未食过但上网睇过应该系外脆内软，内馅大约系高汤咁既味道。呢件野外脆系做到，但入面既馅系完全冇任何味道蒸过火既鸡蛋咁，完全就系炸左一旧冇味既野
18 浏览
0 赞好
0 留言
虾子袖皮($168)
虾子袖皮个虾子系铺满哂袖皮，但系零鲜味，袖皮个样算完整，冇苦涩味，炆得算软淋，但劲在成旧袖皮系完全冇味。整袖皮系麻烦，去苦涩味都搞一大轮野，去完苦味基本上袖皮系冇味既，靠个汤底比返啲鲜味佢，个厨师系去完苦味唔记得落高汤去煮？净系用清水去煮？
13 浏览
0 赞好
0 留言
🤮凤凰焗鱼肠 ($128)🤮
焗鱼肠又系啲比较少见既菜式，主要系准备功夫太多但卖唔到好价钱就少人整。我系第一次食呢个𩠌，睇过大约系将鱼肠去腥再放落鸡蛋到焗。呢个𩠌一食落去，极腥极臭，就算我落左好多胡椒粉都系完全辟唔到腥味，果种腥味大约系去街市买鱼咁臭，不过系个口爆发出黎，绝对系我人生中食过最难食既野🤮🤮🤮食完觉得明将都唔系咁差。之后我有去食过其他餐厅既焗鱼肠，人地就完全冇腥味几好食既，呢个好明显系餐厅问题啦
16 浏览
0 赞好
0 留言
留家炒饭 ($138)
食完鱼肠我真系成个人呆左，食到怀疑人生，所以个炒饭都唔记得左影。个炒饭炒到干身但冇饭香味，用既饭太瘦削，料又少又普通，成碟饭冇香味，连普通酒楼都不如
一间餐厅肯去做功夫菜我系欣赏既，但留家可唔可以留意下咩叫好食既功夫菜？一个普通客人唔会因为你果样𩠌工序繁复就觉得好食左，最重要系出到黎个味道，果三个功夫菜一系就冇味一系就臭既，其实整到咁你不如唔好整啦
仲有我见到餐厅系话唔用任何味精，呢样系真既，食完都冇口渴，但系呢唔用味精同唔用调味料系有分别架，厨师系连盐都唔记得落咁，咁既质素都比得客食？呢间餐厅绝对系我人生中食过最难食既粤菜，千祈唔好去食
价钱: $323 / 位
环境: 6/10
味道: 2/10
性价比: 2/10
张贴
