Doubleshot by Cupping Room (已搬遷) 新店位置

日日要对住唔同嘅突发事件,幸存者同同事忍唔住远离一下office,暂时离开下呢个世界，要揾间坐得舒服又可以倾到计嘅餐厅补偿一下自己。呢间Doubleshot 由Cupping Room 开办，朝早系cafe/餐厅，夜晚摇身一变，变成美酒佳肴混集嘅酒吧。系中环生活开嘅人对cupping room呢个名唔陌生。每日人来人往嘅店面显示出呢到咖啡嘅质素有几咁高。幸存者去嘅时候系朝早，一于睇下除咗咖啡, 其他野食嘅质素如何！幸存者好憎食菜，但个日唔太肚饿就是旦叫咗个small plate椰菜花食，点知...好好食！Roasted Cauliflower $78知你呢刻实谂幸存者系咪癫咗，椰菜花凭咩值$78？佢嘅价值系做得仔细。煮法,配搭,摆盘等等看似简单却魔鬼在细节中。首先煮到四成熟，成个花涂上牛油去焗，目的想除去煮时嘅水份。第一次焗完后,再搽秘制Garlic Sauce同anchovy, 利用天然咸味提升整体风味，然后为咗令外皮香脆,多佢放焗炉再焗第二次。食落去有惊喜，同一般烚椰菜花分别再于口味 少少咸味),味道有变化同令人想一啖一啖继续食，而幸存者全个食晒...