影片
更多
2024-05-18
1168 浏览
好味指数😋😋回头指数 ⭐️开心指数🤗同朋友响屯门 V city 揾食，行完整个饮食楼层，觉得呢间冰室环境相对坐得舒服，可以一路食一路倾偈，就入去试吓。🍴香烧羊架餐（$128）呢个系 under 吱吱又喳喳系列（即系铁板烧），朋友个捞丁都已经食完好耐先出现，满心期待，点知。。。我系用咗10 几秒影咗一张相先倒个烧汁，一倒，跌咗一 pat 劲杰挞挞嘅汁落旧厚切番茄上面，之后嘅汁先相对正常，跟住发现铁板完全一丝轻烟都冇，都唔好讲发出吱吱喳喳声！我勇者无惧上身，用手摸块铁板，！竟然只系微暖！！！佢唔单止个汁放咗好耐先会形成一开始𠮶旧半凝固嘅汁，连个铁板都唔热，咁我叫个铁板餐嘅意义何在？？？真心系人生首次遇上呢个情况！（我IG 有片，呢度食评暂时只有相片，大家未必感受到～）羊架有3旧，个味道其实唔差，但其中一旧非常难咬开，落手食都搅佢唔掂，薯条系暖嘅，口感有D 硬，似摆咗好耐。成份铁板餐嘅食物只系微暖，仲要个汁都系冻，我都有留意其他食客嘅铁板餐情况一样，冇烟冇声气～🍴老虎乸辣鸡翼（$62）鸡翼有5只，本质上系微温到接近冻嘅状态，个味有90%系瑞士鸡翼，10%辣味，鸡翼个味唔错都几入味嘅～🍴二世祖捞
回头指数 ⭐️
开心指数🤗
同朋友响屯门 V city 揾食，行完整个饮食楼层，觉得呢间冰室环境相对坐得舒服，可以一路食一路倾偈，就入去试吓。
🍴香烧羊架餐（$128）
呢个系 under 吱吱又喳喳系列（即系铁板烧），朋友个捞丁都已经食完好耐先出现，满心期待，点知。。。我系用咗10 几秒影咗一张相先倒个烧汁，一倒，跌咗一 pat 劲杰挞挞嘅汁落旧厚切番茄上面，之后嘅汁先相对正常，跟住发现铁板完全一丝轻烟都冇，都唔好讲发出吱吱喳喳声！我勇者无惧上身，用手摸块铁板，！竟然只系微暖！！！佢唔单止个汁放咗好耐先会形成一开始𠮶旧半凝固嘅汁，连个铁板都唔热，咁我叫个铁板餐嘅意义何在？？？真心系人生首次遇上呢个情况！（我IG 有片，呢度食评暂时只有相片，大家未必感受到～）
羊架有3旧，个味道其实唔差，但其中一旧非常难咬开，落手食都搅佢唔掂，薯条系暖嘅，口感有D 硬，似摆咗好耐。成份铁板餐嘅食物只系微暖，仲要个汁都系冻，我都有留意其他食客嘅铁板餐情况一样，冇烟冇声气～
香烧羊架餐
$128
47 浏览
0 赞好
0 留言
🍴老虎乸辣鸡翼（$62）
鸡翼有5只，本质上系微温到接近冻嘅状态，个味有90%系瑞士鸡翼，10%辣味，鸡翼个味唔错都几入味嘅～
老虎乸辣鸡翼
$62
117 浏览
0 赞好
0 留言
🍴二世祖捞丁（$102）
呢个系有一只鲍鱼仔，两粒带子，两粒冬菇加上捞丁，同样地所有嘢都系微温，鲍鱼仔味道正常，带子系除咗雪味外冇咩味仲要似灼熟 only，冬菇唔算入味，捞面好黐立立。
二世祖捞丁
$102
56 浏览
0 赞好
0 留言
🍴日式粟米汤（跟铁板餐）
又系微温杰挞挞罐头汤嘢。
日式粟米汤
39 浏览
0 赞好
0 留言
🍴龙凤柠乐（跟餐特饮半价 +$14）
呢个好难唔正常啦，有一整杯冰好够冻😂
龙凤柠乐
42 浏览
0 赞好
0 留言
🍴热菜蜜（$18）
除咗铁板餐同小菜加钱有嘢饮外，其他都冇嘢饮，呢个朋友叫，倒出嚟冲水好难唔正常，水温算仲系热，已经系成餐饭入面最热嘅一样嘢！
整体上所有食物冇一样嘢系热嘅，全部最顶到尽可以叫做微暖only，真系食火炙寿司都分分钟热过佢。坐到卡位嘅，环境系唔错坐得几舒服。不过我后尾见到有职员指咗客人去坐嘅位，4人座，其中两个位系 bench 而对面只有1张櫈，少咗一张櫈都冇人帮手搬张櫈，最后个客企咗一阵自己去搬，而我自己就坐低后只见到张QR code 单，我明明见人哋台面有餐牌，但我打开柜桶又唔见有，过咗几分钟先有职员攞餐牌嚟，呢个服务态度都几有趣，咁就食咗$300+，真系唔开心，走嘅时候都冇晒心机影门面相！呢间冰室完全唔会再有机会再嚟食！
☆My IG @tracyloveliving ☆
张贴
