越棧越式湯粉專門店 (荃灣廣場) (已結業)

难得的假期领太后旨令拿野出荃湾，约左3点最后变4半，咁就唯有拿住d野四围走，由原本只系想揾间咖啡店（点知太多人），到入大商场citiwalk同附近个d星巴克都爆多人，仲要撞正一田购物节，成个商场想揾个位坐低饮野都揾左成9个字终于比我揾到即使一丁友去食都唔老尴的越栈。反正仲有时间就黎个下午茶hea时间，$40一款粉＋饮料，特饮＋4，可能太多游客的关系，明明我用广东话落单，职员用普通话帮我落单仲问同对面个个系唔系要起tem. 上菜速度都ok, 10 mins都到齐我点的牛脷汤檬＋三色冰（特饮），对面飘来好香的咖啡味。碗野由于个人饮唔出系唔系咪精汤，但只觉得几好饮又唔多油，个粉软硬适中，虽然主菜得2片大片牛脷，但食落去可以安慰我𩠌少的弱小心灵，因为食落去鲜甜的牛味出左黎配埋它嫩滑的肉质，一个字赞。不过唔食生洋葱/葱/西洋菜的记得一开始走左它，虽然用黎调个汤底辣辣地都开胃。而杯椰汁三色冰，个三色个想像中唔一样，除左原本会有的绿色啫喱，仲有红豆同蕙米，三款配料都略嫌太硬。整体黎讲就系岩你一丁友唔想食咁多野，附近咖啡店霸满人，又唔想行就黎试下。