影片
更多
2010-10-03
17 浏览
居酒屋大家都去得多，但唔系食日本菜嘅居酒屋，相信大家谂都未必有谂过。今次介绍一间位于铜锣湾，3C木球会对面嘅一间上楼小店连粤日粤馔居酒屋，店子以粤菜为基本，加上日式居酒屋格局经营，效果出乎意料的好，与朋友吃喝共欢一晚，实在畅快！正如小店名字一样，此年此月此日，快乐无价！小店面积唔太大，约可容纳廿人左右，一贯传统日式居酒屋格局，坐得都几舒服。呢度只做晚市，唔预订系基本上无可能有位，大家有心就要预约喇！醉溏芯($18/只) - 呢度溏芯蛋前菜做得相当出色，花雕香味融入鸭蛋黄中，入口细腻幼滑，实在好食到不得了，上面几粒黑鱼籽只作装饰，绝对抢唔到溏芯蛋本身精彩的味道...推介！柚子酒煮花甲($88) - 另一个非常出色嘅前菜，花甲大大只，肉质鲜嫩爽甜，非一般蚬肉能够媲美。最精彩就系用柚子酒煮成嘅汤底，混入少少黑椒，整个汤实在好饮到不得了，大家不介意仪态的话，大可以拎起整碗饮下，必定痛快！麻酱蕃茄($38) - 呢味菜色唔算特别，大大只日本厚身蕃茄，其实只要够新鲜，就应该会做得好食。呢份麻酱味道够香够浓，不过略为稀左少少，否则口感会更加丰富好味～原只虾多士($46/2只) - 虾多士虽然唔难整，
小店面积唔太大，约可容纳廿人左右，一贯传统日式居酒屋格局，坐得都几舒服。呢度只做晚市，唔预订系基本上无可能有位，大家有心就要预约喇！
醉溏芯($18/只) - 呢度溏芯蛋前菜做得相当出色，花雕香味融入鸭蛋黄中，入口细腻幼滑，实在好食到不得了，上面几粒黑鱼籽只作装饰，绝对抢唔到溏芯蛋本身精彩的味道...推介！
柚子酒煮花甲($88) - 另一个非常出色嘅前菜，花甲大大只，肉质鲜嫩爽甜，非一般蚬肉能够媲美。最精彩就系用柚子酒煮成嘅汤底，混入少少黑椒，整个汤实在好饮到不得了，大家不介意仪态的话，大可以拎起整碗饮下，必定痛快！
麻酱蕃茄($38) - 呢味菜色唔算特别，大大只日本厚身蕃茄，其实只要够新鲜，就应该会做得好食。呢份麻酱味道够香够浓，不过略为稀左少少，否则口感会更加丰富好味～
原只虾多士($46/2只) - 虾多士虽然唔难整，但要整得好食真系唔容易。多士部份略嫌未够松脆，但咬落爽度十足嘅虾肉，配上用千岛酱为主嘅秘汁，食落令我相当满足。
九制陈皮香酥肉($58) - 送上时已闻到极浓郁嘅九制陈皮香味，但陈皮味只系流于表面，似乎未能跟肉排产生共鸣！幸好肉排食落够酥香，抢回不少分数，不过当然仍有改善空间...
独子蒜露笋牛肉粒($88) - 铁板上台，热气腾腾，卖相几吸引。牛肉粒嫩滑好味，食落肉汁丰盈，唔错。露笋够大条又爽脆，比起牛肉粒更抢镜，掂呀！
烧猪颈肉($58) - 猪颈肉质肥而不腻，食落丰腴爽口，香味浓郁，蘸酸汁食感觉唔错，佐酒一流。
清汤萝卜牛腩($88) - 未食呢度嘅牛腩之前，我一定会推介天后华姐，因为无论汤底或牛腩本身，都非常出色。不过经过呢一晚之后，我会推介呢度嘅清汤萝卜牛腩！呢度嘅清汤牛腩全部都系坑腩部份，坑腩属肋骨部位，外层有骨衣膜包住，所以食落肉质松化，味浓而且唔松散，加上萝卜煮得清甜无渣，汤底鲜甜唔油腻，整体水准相当高，极级推介！
麻辣一丁($48) - 食落无令人呛鼻嘅辣味，但反而麻嘅感觉会慢慢渗出黎，有少少似初体验伤心酸辣粉嘅感觉，不过麻后会口腔留著一种苦涩感觉，心里莫明奇妙，建议若非麻辣爱好者，可以无视。
鹅肝蛋珍珠饭($98) - 黎到连粤日，有三样菜色系必食的，就系醉溏芯，清汤萝卜牛腩同埋呢个鹅肝蛋珍珠饭。鹅肝毫无疑问就系胆固醇很高嘅食品，但我觉得来到呢度就一定要先豁出去，无论如何也要试一下，因为实在唔能够入宝山空手回...一块厚厚肥美鹅肝，配上一只太阳蛋，呢个压轴出场嘅组合卖相极吸引。影相过后，老板细心为我地拌匀，将鹅肝混和蛋黄捞进珍珠饭，香味扑鼻，入口甘香，滋味无穷，实在好味到有感动流泪嘅感觉...人间美味，就是如此！
连粤日粤馔居酒屋整体来讲，真系俾到我好大惊喜，舒适嘅环境，贴心嘅服务，精彩无比嘅美食，加埋非常合理嘅价钱，绝对系值得推介俾大家！
张贴
