影片
以上资料只供参考，请与餐厅确认详情
招牌菜
情人節一定要食燭光晚餐？我認識一些反資本主義的情侶，覺得情人節是商人的賺錢手段，因此從不買花，不送禮，不吃燭光晚餐。女友安娜亦算是半個「簡活」的支持者，她提議：「今年的情人節，不如留在家裡吃飯。」我也嚮往質樸自然的生活。不過，很想給她驚喜。或許做法有點自私，但我事前就訂好了餐廳和蛋糕，在情人節那天把她拖了出去。在選擇餐廳的時候，放棄了那些價格有些瘋的燭光大餐。2013 年的情人節晚餐，是銅鑼灣唐樓樓上舖小店－－連粵日粵饌居酒屋。連粵日名曰居酒屋，裝修格局卻似樓上 Cafe。黑方桌、黑梳化，靠在落地玻璃窗邊。小黑板上用彩色粉筆寫上「Daily Special」。貼滿一牆的，是無數日本酒的招紙，令這間骨子的小店貼上了另類的日式風情。小店職員不多，樓面只有一男一女。礙於人手不足，菜上得比較慢。不過店員的服務態度非常好，既親切又細心。客人在一樓按門鈴後，女店員便會在三樓大門前迎接。招待客人坐下後，便細心介紹食物。女店員為我們拌勻鵝乾石鍋飯的時候，一絲不苟，居然花了兩分鐘。餐廳給人的初步印象不錯，食物質素又如何？蟹籽溏心蛋沙律食到新鮮爽脆的菜蔬，配合沙律醋來食，酸酸甜甜很開胃；溏心蛋半熔的蛋黃上除了蟹籽，更放了一些西柚肉，平添一份甘香的味覺。女店員推薦的新菜色－－甜蝦他他。用生菜包著沾了他他醬的蝦肉一起吃。他他醬混了辣椒和蒜，所以味濃兼且辣味十足，很重味的一道菜。缺點是你根本食不到蝦的味道，但就味覺上的刺激來說，卻很討人歡喜。因為豬的頸肩肉質地爽嫩，所以豬頸肉又名豬爽肉。這道芝士烤豬頸肉就非常合我胃口，不止肉烤得嫩，外面那層酸酸的芝士非常惹味，食到停不了口。鵝肝蛋珍珠飯是這裡的招牌菜，大大塊鵝肝，配心形蛋煎。女店員細心地將鵝肝跟蛋切碎，然後混在珍珠飯裡拌勻，飯裡透出鵝肝誘人的香氣。急不及待把飯放進口裡，幾種不同味道營造了層次感－－好食，但未至於令人驚喜，而鵝肝亦比較乾身。最後介紹一下我們飲的清酒「手取川 - 酒魂吟釀」。好香米酒味，入口不會辣，值得一試。一瓶 $180。最後，店員將我事先寄放的蛋糕推出來（免收切餅費喔！）－－ Patisserie Tony Wong 的深紫色玫瑰花蛋糕，為情人節的樂章添上完美的符號。這餐飯埋單找數要 $600 多元。但如果不是叫了一支清酒，其實兩個人加起來只不過要 $400 多元，以這裡的食物質素、環境、氣氛、服務來說，物超所值。情人節是兩個人的事，不是商人預先包裝好的套餐。與其跟大多數一樣，走入高級西餐廳，吃著過千元的倒模大餐。有時發掘小店、發掘美食，會發現更多驚喜。
继续阅读
167 浏览
想不到CCC對面有這樣的一間樓上居酒屋。雖然說是居酒屋，但店內佈置黑白為主，加上皮梳化，感覺像PUB和Cafe多一點。沒有醉溏心，唯有來個蟹子溏心蛋沙律($68)，簡簡單單只放蔬菜、車厘茄、蟹子和溏心蛋。沙律醬酸酸甜甜的非常開胃，蟹子在口裡粒粒爆開，跟蛋黃尤其夾。剝穀時候手勢不好，蛋白表面凹凹凸凸的，破壞了整體美感。清湯蘿蔔牛腩汁非常濃，但同時亦非常油，嚐幾件已經開始覺得油膩。牛腩肉質比較硬，不算很腍。店員力挺的串燒牛舌已經售馨，改嚐串燒雞軟骨，味道普通。竹枝未有被火燒過的痕跡，未知會否是用微波爐翻熱的。鵝肝蛋珍珠飯，鵝肝煎大大塊，蛋煎成心形，非常可愛。飯偏濕，乾身一點比較好。蛋太熟，所以流出來的蛋汁不是很多。鵝肝其實有點太熟，不夠juicy，但是size搭夠，叫人滿足。店方辦了一個打卡優惠活動，只要有店內用facebook到店方的專頁打卡，便立刻可以享有免費甜品。本晚甜品是芋頭味雪糕糯米滋，搭配了淋了蜜糖的粟米片。平時食栗米片做早餐，還不知道可以有這樣的食法，試過發現其實這樣也挺好味的，不一定要配牛奶。
继续阅读
最近~我最好既朋友仔生日, 每年一到呢個時間我就好頭痛因為我地每年都會搵個地方容納到大約20個人既餐廳開PARTY大約一個月前, 無意中聽到個朋友講銅鑼灣有間樓上日式居酒屋有得包場,聽講佢地都幾full架, 我就上OPENRICE到睇下D食評, 見都好多都係好評所以就拿拿聲打電話去問下個價錢同埋有d咩食包場價錢都幾抵, min. charge為都係每人200蚊到,係銅鑼灣區既價錢黎講真係幾合理,始終人地都唔係果D快餐店,上星期我約埋一班朋友7點到就一齊上去, 地點唔算太難搵, 間野要上樓, 不過佢地係某酒店隔離, 一講就搵到喇,一開門竟然有塊落地大玻璃,雖然地方細細, 不過可能包左場無人既關係感覺好闊落, 環境好清幽,等齊人, 我地就開始點野食, 我都有爬過文, 睇下最出名既係咩野食.其他既我地都等侍應介紹, 侍應都好有耐性同我地逐一講解最後我地點左d招牌菜, 同埋佢都介紹左d sake比我地,其實落訂果陣佢都有話我知如果有想食既野可以話佢知, 佢可以幫我地準備,不過我問左D朋友仔佢地話想試左間野既野食先, 所以我地都冇特別要求食其他野, 不過呢個service都幾值得一讚,我個人覺得送sake果道芥辣八爪魚, 芥辣味道唔算太重食落有咬口, 我d朋友都大讚, 我地仲叫左好多碟除此之外, 清湯蘿白牛腩 d 牛腩炆得好"林", 又入味仲有d鵝肝, 鵝肝好肥,好大塊, 煎得恰到好處,仲有叫左好多野食呀,白麵豉焗茄子,一口脆蝦,麻醬蕃茄,香蒜牛鐵板燒,多春魚等等等等等至於sake, 我自己本身就唔係好飲, 不過侍應介紹左一隻比較易入口既比我地班女仔,果然入口唔太"哽"幾岩女仔飲, 唔會覺得搶喉, 估唔到我都可以飲到sake最後人人都大讚呢間野好, 話下次湊夠人再包場食多一次, 但會試下叫佢整其他野食比我地XD我地都玩到成12點幾架, 其實都幾阻人收工, 由7點玩到12點幾,不過佢地都冇黑面順帶一提, 佢地知我地有人生日, 唔收切餅費仲送左個cake比我地添下次訂位記得同佢地講呀, 最後我地好成功完成左今次既生日派對,朋友們都好滿意玩得太盡興, 比幾張相大家睇下啦,
继续阅读
放工後跟住一班同事來到這間不起眼的上樓居酒屋, 地方細細, 但覺得無須拘緊. MENU裏清酒居多, 非酒精飲品就有限. 同事就order 枝大的 Miyasaki 清酒同一些配酒食物.我試飲少少, 覺得好香好易入口 食物偏配酒居多, 有多種串燒, 叫左好多round, 配SAKE 同夠凍的 ASAHI 好夠味. 如唔飲酒就可能偏鹹.Wasabi 八爪魚: 芥辣 + 清酒 + 八爪魚的口感, 好難停口喔燒鯖魚: 我覺得普通, 可能我唔鐘意吃魚的關係加牛鐵板燒: 好濃的配料夾在一層層的肥牛中, 無飲啤酒點得? 鴨胸拉麵: 味道OK, 都算夠料鵝肝蛋珍珠飯: 好像鵝肝多過飯, 幾好吃. 大家慢慢食, 慢慢飲. 這地方環境簡單, 食物種類適和我們一班唔想日日吃飯据扒的人. 嘻嘻哈哈又過一個輕鬆的夜晚!
继续阅读
想幫好友找個唔會"趕人走"的地方來慶祝生日, 經老友介紹找到這間居酒屋. 在訂台時問到是否收切餅費, 居然話剛剛有個PROMOTION 係送生日蛋糕. 我地當然無問題啦現場環境不錯. 坐低後就叫左清酒潤下喉嚨, 先慢慢點d 小吃同主菜:燒鯖魚: 送酒一流, 鯖魚加點檸檬在熱辣辣的鐵板上, 用筷子慢慢夾入口, 再飲杯酒. 已忘記身在鬧區裏.柚子+ 香草+梅子燒雞翼: 每樣都試試, 味道唔錯鵝肝多士沙拉: 每份有兩件, 叫左兩order, 一口都係濃郁香脆的鵝肝味. 感覺好奢侈柚子酒煮蜆: 甜甜的柚子酒煮的蜆更帶出蜆的鮮甜京燒豬頸肉: 香脆內軟的豬頸肉加上特別的醬料, 我的最愛 梅子飯糰: 酸酸的梅子在微焦的飯糰上, 感覺很清新 清湯蘿蔔牛腩: 蘿蔔好甜, 牛腩夠火侯, 燜的唔錯. 一定要配合辣椒油, 味道更好鵝肝蛋珍珠飯: 必吃的招牌菜. 一定要趁熱吃!海鮮鍋+牛肉+蠔+烏冬: 有很多配菜和三樣刺身海鮮, 我地再加些配料來慢慢食慢慢聊天生日蛋糕: 因為係贈送, 一直唔敢抱著太大希望. 但係負責人一拿出來, 我地就一起哇哇聲. 負責人說因為我地人數多, 就準備了一磅蛋糕. 最重要壽星女開心啦!
继续阅读