影片
更多
2018-09-12
622 浏览
大家有无谂过品尝色香味俱全法国美食嘅同时可以帮助有语言障碍嘅儿童?好荣幸朋友带左我嚟到La Parole，系香港首间揉合左Fine Dining 同社会企业嘅餐厅。我上到嚟先知佢系社企，餐厅嘅收入扣除成本开支后全数拨款非牟利机构(庭恩儿童中心)，帮助低收入家庭有语言障碍嘅小朋友。La Parole室内设计糅合典雅同现代时尚元素，见到中间个串Swarovski 水晶灯，已觉得自己著错衫，长裤都无条走黎食法国菜!? 真系有点过意唔去….Menu有两set选择，分别有5道同6道菜，而店员为我地介绍嘅时候亦特别提及菜式都系即日按食材而决定，所以有机会每日都有少少改动。同朋友都点左6 course dinner set，前菜未上先上左几件法国面包。通常我食开法国餐厅嘅法包都系暖包冻牛油，呢度都唔例外。除左有盬牛油，仲有黑橄榄同蕃茄蒜蓉，一共三款配搭。相比之下，蕃茄蒜蓉最为突出，蒜香配上香脆嘅法包特别惹味!!Lobster, Crabmeat and Radish roll 龙虾蟹肉卷中间系一丝丝嘅蟹肉，左右两端放上龙虾肉，卖相非常精致。不论虾肉蟹肉都非常弹牙鲜甜。另外，有黄色嘅新鲜芒果酱同白色嘅
好荣幸朋友带左我嚟到La Parole，系香港首间揉合左Fine Dining 同社会企业嘅餐厅。我上到嚟先知佢系社企，餐厅嘅收入扣除成本开支后全数拨款非牟利机构(庭恩儿童中心)，帮助低收入家庭有语言障碍嘅小朋友。
La Parole室内设计糅合典雅同现代时尚元素，见到中间个串Swarovski 水晶灯，已觉得自己著错衫，长裤都无条走黎食法国菜!? 真系有点过意唔去….
Menu有两set选择，分别有5道同6道菜，而店员为我地介绍嘅时候亦特别提及菜式都系即日按食材而决定，所以有机会每日都有少少改动。
同朋友都点左6 course dinner set，前菜未上先上左几件法国面包。通常我食开法国餐厅嘅法包都系暖包冻牛油，呢度都唔例外。除左有盬牛油，仲有黑橄榄同蕃茄蒜蓉，一共三款配搭。相比之下，蕃茄蒜蓉最为突出，蒜香配上香脆嘅法包特别惹味!!
Lobster, Crabmeat and Radish roll 龙虾蟹肉卷中间系一丝丝嘅蟹肉，左右两端放上龙虾肉，卖相非常精致。不论虾肉蟹肉都非常弹牙鲜甜。另外，有黄色嘅新鲜芒果酱同白色嘅蛋黄酱用嚟调味，芒果酱食得出用新鲜芒果打碎，果味香，微甜，够滑够creamy，用黎配虾蟹食特别鲜甜，正!
Roasted Suckling Pig 香烤乳猪，呢一份法式烤乳猪特别在佢配嘅三款酱汁。乳猪本身烧得皮脆肉嫩，用叉轻轻一吉猪皮都会卜卜裂开，本身猪肉味几香，而且油脂唔多。酱汁方面颜色由淡到深分别系: 蜜桃川椒酱、蜜糖芥末酱、海鲜酱。海鲜酱唔多讲，成日都有得食。蜜桃川椒酱蜜桃味非常浓郁，餐厅用嘅果酱都应该系用新鲜生果打溶，香甜中带点川椒香味，但实质上唔会辣同麻，几有趣。蜜糖芥末酱都好常见，但佢味道调得非常好，芥末味唔会太过呛，反而系一种清新嘅甜为主。
Fresh Lobster Bisque 新鲜龙虾汤，够creamy够厚身，但鲜味唔够出而且偏咸，调味可能重手左，少左龙虾汤嘅甜。
Pan Fried Eel香煎白鳝鱼都好常见，白鳝肉质超级弹牙，而且脂肪爽口，肥瘦适中，入口肥而不腻。酱汁方面系tomato, onion, leek sauce，因为白鳝本身够鲜甜油脂香，我都无再配酱汁去试味。
清口腔的 Raspberry Sorbet酸酸甜甜，再加少少白酒，味道更香，非常醒胃清新！
Pan Fried Premium Charolais Tenderloin Flown香煎法国夏洛莱顶级牛柳，系法国顶级牛柳! 食落真系觉得佢顶级，medium rare嚟讲佢熟成程度控制得好好，整块都好均匀，切落去嘅手感都feel到肉质超嫩滑，入口肉汁非常多，牛肉味颇浓，觉得唔够咸可以加少少墨鱼汁岩盬，第一次见几有趣，但我都系钟意original嘅食法，大磨菇同长青豆就不过不失，普普通通。
Fillet of Monk Fish with Giant Razor Clams 𩽾鲈鱼柳配马刀贝通常煮既都会比较鞋同松散，但𩽾鲈鱼肉吉落去比想像中挺身，食落鱼味几香，但口感少少干，整体味道同质感似马介休。反而马刀贝超班，圆润厚身嘅大小，入口肉质超级弹牙，味道浓郁而且非常鲜甜。完全抢过𩽾鲈鱼嘅戏份!
甜品要左Raspberry Tiramisu 同 Leonidas Chocolate Cake， Tiramisu几幼滑，但我觉得raspberry有点过酸~
朋友觉得Leonidas Chocolate Cake 的确名符其实，果然系比利时嘅名物! 朱古力蛋糕入口香滑味浓，仲用左微微带苦嘅dark chocolate做底，食落口嘅朱古力味非常有层次!
张贴
