太上漁村海鮮酒家

营业中

休息中

忽然想食蒸鱼，谂起呢间酒家，于是又再黎。点知门口已无晒D发泡胶箱，无得自己拣鱼食，又唔见有蟹同赖尿虾，装修过靓左，不过之前好NICE既老伙记一个都无剩，黎左班C9侍应，问佢有乜例汤都唔知，最后叫左个二人餐，有蒸鲍鱼四只，蒸鱼一条同冬瓜盅，后来又无冬瓜盅于是转要例汤。见无菜本来加左碟椒丝腐乳唐生菜，但系个阿姐落错单变左通菜，照杀啦。后来再加多碟波萝咕噜肉排。食物质素同以前无点变，厨房班底应该无转，价钱都无平到，鲍鱼系南非鲍同几大只，条海班都唔错，通菜亦无死咸，波萝肉排上台时已饱左九成，所以无点食打包，但味道都唔错。整体楼面侍应唔似以前班老伙记咁好，唔叫唔会做野，好在食物质素还可以，中规中举，迟下想起食蒸鱼时再黎过。